Lobster Une

營業中

休息中

《Lobster Une - 西貢》西貢一向都好多靚靚Cafe同西餐廳，所以假日我都會周不時去果邊行下飲下咖啡，前幾日俾我周朋友見到間新開業既西餐廳試業中，個Menu 睇落都好係我口味既野，所以我就抱住個試下既心態入左去坐下啦。我地兩個人叫左兩款菜式，份量足而且味道唔錯，可以一試咼💁🏻‍♀️龍蝦包我其實都幾喜歡食龍蝦包的，但香港真係唔算多地方有得食，一係就好鬼貴唔抵食，所以喺呢度見到就當然係想試下啦。個麵包係用左有芝麻同果仁既長麵包製作，上面既龍蝦沙律醬夾滿住粒粒既龍蝦肉，食落彈牙又清新，中間仲夾左不少沙律菜減輕油膩感，食曬成個麵唔會太Heavy，而旁邊仲跟埋脆卜卜既洋蔥圈，點埋他他醬食真係幾guilty 嫁💁🏻‍♀️龍蝦意粉另外朋友叫左個龍蝦意粉，上枱既時候真係嚇親嫁，佢係半隻龍蝦咁樣送上黎的，淨係個外型都好啱打卡啦。個意粉係用左扁意粉製作，所以非常之掛汁，食落充滿住啖啖濃郁既龍蝦汁好惹味，兩個人食的話份量剛剛好呢