Mano (The L. Square)

聽聞Mano手工意粉好食，都好想試吓，一入去就見到員工同我哋打招呼。南瓜甘筍湯南瓜湯濃稠，再加入少少嘅黑胡椒碎，令南瓜湯味道更香更可口。巴馬火腿藜麥牛油果沙律巴馬火腿、藜麥帶鹹香，搭配牛油果嘅滑溜，入口層次豐富之餘又健康。香煎北海道帶子三文魚籽龍蝦汁扁意大利麵北海道帶子嫩滑，三文魚籽鮮甜，扁麵質感柔軟掛滿龍蝦汁，令人食慾大增。薏式脆皮燒豬腩卷 配辣肉腸蘭度豆豬腩肉肥瘦適中，切開脆皮，入口肉質唔乾，而辣肉腸、蘭度豆平衡返燒肉嘅油膩感。提拉米蘇提拉米蘇表面撒上可可粉，質地非常綿密，咖啡酒平衡左佢嘅甜度，口感豐富。士多啤梨蛋糕蛋糕鋪上一片士多啤梨，餅底微脆，蛋糕口感綿密，鮮奶油濃郁，蛋糕甜度適中，唔會過於甜膩，還會帶一點點士多啤梨味嘅清新酸甜。ITALIAN CREAM SODA嚐到覆盆子微酸，攪拌後奶味突出，有點似奶昔，加入梳打水口感冇咁膩。BELLINI DI MANO入口帶點清香而酸酸嘅檸檬味，之後有少少薑嘅辛辣味，甜味係桃子，帶清爽口感。