影片
更多
2024-09-11
1940 瀏覽
#20240907 💛📍 #楚撚記大排檔 @chor_land 土瓜灣馬坑涌道2C號寶光大廈地下C及D號舖 🍽️荃灣川龍街118號百悅坊地舖至1樓西環石塘咀皇后大道西554-560號日富里百好大廈地下1號舖➖➖➖➖➖➖➖➖➖➖➖➖➖➖➖➖➖#猴頭菇蟲草花准山螺頭煲豬骨湯 #細 $118💭 叫煲細既四個人分都每人分到大約兩碗，算係幾抵飲，而且湯渣有好多，啲猴頭菇索左湯汁好好味，睇得出係真材實料，味道偏濃味，相信都加左唔少師傅，飲完都要飲返唔少水😅.#楚撚沙拉骨 $105💭 係啲普通大排檔既菜式，但佢個沙拉骨比想像中有啲唔同，第一次食沙律醬係同本身個醬分開，依家咁其實好似生炒骨上面加左沙律醬咁，都係本身咁樣好食啲🫣.#香爆黑椒牛仔骨煲 $128💭 肉質係落左鬆肉粉都仲有啲韌，唔太容易咬得開，個汁比一般食開果啲杰身，估唔到底下用左粉絲墊高左，如果知道就一開始撈勻佢，唔使食到尾啲粉絲索晒汁成pat野咁有啲難搞🐮.#濃湯海鮮粉絲什菜煲 $102💭 好多料既一煲野，海鮮有蝦、蟹柳、魷魚，仲有啲細細粒既元貝🦑菜又有菜心、西蘭花、白菜仔同生菜🥦可以迎合一枱人入面唔同要求既朋友，有粉絲又有埋湯飲好飽肚～.
📍 #楚撚記大排檔 @chor_land
土瓜灣馬坑涌道2C號寶光大廈地下C及D號舖 🍽️
荃灣川龍街118號百悅坊地舖至1樓
西環石塘咀皇后大道西554-560號日富里百好大廈地下1號舖
➖➖➖➖➖➖➖➖➖➖➖➖➖➖➖➖➖
#猴頭菇蟲草花准山螺頭煲豬骨湯 #細 $118
💭 叫煲細既四個人分都每人分到大約兩碗，算係幾抵飲，而且湯渣有好多，啲猴頭菇索左湯汁好好味，睇得出係真材實料，味道偏濃味，相信都加左唔少師傅，飲完都要飲返唔少水😅
.
#楚撚沙拉骨 $105
💭 係啲普通大排檔既菜式，但佢個沙拉骨比想像中有啲唔同，第一次食沙律醬係同本身個醬分開，依家咁其實好似生炒骨上面加左沙律醬咁，都係本身咁樣好食啲🫣
.
#香爆黑椒牛仔骨煲 $128
💭 肉質係落左鬆肉粉都仲有啲韌，唔太容易咬得開，個汁比一般食開果啲杰身，估唔到底下用左粉絲墊高左，如果知道就一開始撈勻佢，唔使食到尾啲粉絲索晒汁成pat野咁有啲難搞🐮
.
#濃湯海鮮粉絲什菜煲 $102
💭 好多料既一煲野，海鮮有蝦、蟹柳、魷魚，仲有啲細細粒既元貝🦑菜又有菜心、西蘭花、白菜仔同生菜🥦可以迎合一枱人入面唔同要求既朋友，有粉絲又有埋湯飲好飽肚～
.
#秘製香辣水煮花甲 $138
💭 呢個連埋個爐一齊上，應該係要滾住佢等面頭啲油唔會凝結，亦因為佢keep住滾，所以會越尼越濃味，越尼越辣，係重口味既之選，然後入面有啲勁索味既大豆芽、豆卜、蘿蔔同粉絲，話說呢煲係今餐第3樣野有粉絲，真係想唔飽都幾難🌶️
.
#楚撚記小炒王 $108
💭 碟野有魷魚乾、蝦乾同脆魚仔呢啲海味係度，又有菜脯同腰果，香口得尼又充滿咸香味，就咁食會覺得好咸，但用尼撈飯就好正，最正係用韮菜花尼炒，除左小炒王真係無乜邊個餸可以食到🤩
.
#楚撚豬油撈飯 $25
#靚仔白飯 $15
💭 豬油撈飯係用個砵仔去蒸啲飯，所以啲飯好煙韌，然後會比一壺豬油同一壺豉油去撈飯，要趁個飯熱就將啲豬油倒落去，咁樣先香，仲可以叫多個白飯撈尼食，雖然係唔健康但偶爾食下都唔錯🍚
.
#綠豆清心丸
💭 呢度保留左大排檔既優良傳統，就係會送飯後糖水，本身以為佢係綠豆沙，原來係用去左皮既綠豆煲糖水，清心丸勁煙韌彈牙，有成3粒好好味🤤呢度限時食兩個鐘，姐姐會好準時過尼提醒，同埋環境都比較嘈，一班朋友想好好傾計有啲難度呀🙈
.
#土瓜灣美食 #土瓜灣黃店 #🐷在土瓜灣 #荃灣美食 #荃灣黃店 #🐷在荃灣 #西環美食 #西環黃店 #🐷在西環 #🐷_食
張貼
