影片
更多
2020-06-04
959 瀏覽
$1雞屋企人知道稻香有$1雞之後，打算上星期五去食，可惜7點去到嘅時候太多人，要等過百張枱，最後冇食到。原來係5點鐘派飛，5點半入座。琴日星期三好早攞飛就食到啦！真係$1一隻雞$1一隻雞呀！隻雞係炸子雞，熱辣辣原隻上，皮脆肉嫩，上碟造型100分，成個雞籃haha，仲有蝦片伴碟，非常鬆化香脆，幾塊絕對唔夠XD。上菜嘅時候，侍應會俾較剪同一人一對手套，方便你剪開佢揸住嚟食，好貼心。同家人叫咗一人一盅汽鍋海中寶，內有鮑魚、螺、花膠同雞腳，$18/盅好抵食！食咗咁多肉，要叫番碟菜平衡吓嘅....叫咗椒絲腐乳通菜炒牛肉，份量都幾多，不錯，但係佢上菜嘅時候，我食緊隻雞髀，冇手再影相。另外要講嘅係...我太耐冇去呢間稻香飲茶，原來佢改哂自動加水，煲水嘅設備，非常先進，唔使不停叫侍應加茶（有時真係舉極手都冇人應你），啱哂同行嘅媽咪，唔會再話人地加d水唔夠熱最後埋單$166，$13/位茶錢，加一，好抵食！可以再試👍🏻
屋企人知道稻香有$1雞之後，打算上星期五去食，可惜7點去到嘅時候太多人，要等過百張枱，最後冇食到。原來係5點鐘派飛，5點半入座。琴日星期三好早攞飛就食到啦！真係$1一隻雞$1一隻雞呀！隻雞係炸子雞，熱辣辣原隻上，皮脆肉嫩，上碟造型100分，成個雞籃haha，仲有蝦片伴碟，非常鬆化香脆，幾塊絕對唔夠XD。上菜嘅時候，侍應會俾較剪同一人一對手套，方便你剪開佢揸住嚟食，好貼心。
同家人叫咗一人一盅汽鍋海中寶，內有鮑魚、螺、花膠同雞腳，$18/盅好抵食！
食咗咁多肉，要叫番碟菜平衡吓嘅....叫咗椒絲腐乳通菜炒牛肉，份量都幾多，不錯，但係佢上菜嘅時候，我食緊隻雞髀，冇手再影相。
另外要講嘅係...我太耐冇去呢間稻香飲茶，原來佢改哂自動加水，煲水嘅設備，非常先進，唔使不停叫侍應加茶（有時真係舉極手都冇人應你），啱哂同行嘅媽咪，唔會再話人地加d水唔夠熱
最後埋單$166，$13/位茶錢，加一，好抵食！可以再試👍🏻
張貼
