叁不館

營業中

休息中

今晚同朋友嚟到天后站嘅叁不館打邊爐， 餐廳裝修充滿懷舊風格， 亦有，落地大玻璃同埋獨立包箱。佢哋呢排搞緊個活動，一蚊一支啤酒，一次過要買十支即係十蚊， 飲唔曬都唔驚可以留待下次幫襯， 90日內再飲。今晚試咗店員推介嘅花膠雞湯底， 花膠同個雞都係另上， 十分之足料。 花膠亦比想像中厚身又驚喜。海鮮方面試咗佢嘅海蝦同埋帆立貝， 海蝦中規中矩， 帆立貝就非常鮮甜。今晚最好食嘅分別係鮮炸脆響鈴同埋手打四寶丸， 響鈴即叫即炸熱辣辣非常之香脆， 四寶丸分別有蝦丸，鯪魚肉丸，豬肉丸同埋牛丸。 牛肉丸充滿油香，鯪魚肉丸有淡淡陳皮味，各款都非常出色。爽滑魚肚， 魚肚非常厚身。新鮮豬潤， 豬潤洗得好 乾淨，唔會有騷味，食落爽口彈牙。手切封門柳， 有肉味， 適合唔鍾意食太肥牛肉嘅朋友。另外仲試咗油麥菜同埋萵筍片， 人均400蚊左右，食物質素亦都對得住個價錢， 推介。