豚王 (V Point)

營業中

休息中

平時食豚王食得多😝成日都食黑王😂今日試左限定王😎係「豚王 10周年記念櫻祭-SOUL BLOSSOMING」的櫻祭定食，當係感受下日本的櫻花季🌸😚呢Set都幾抵食$138，有晒3樣野：🔸 春祭限定拉麵 – 桜海老王🌸🦐🔸櫻花可樂🌸🔸櫻花水玄信餅🌸🌸想講呢set定食真係會令人少女心爆發😚 賣相好靚😝櫻花蝦拉麵的湯底好鮮甜！鮮雞湯混合左濃郁既櫻花蝦粉同好健康嘅紅菜頭汁，所以湯底都係粉紅色㗎😍湯底仲落左忌廉，飲落好濃郁，好香蝦味。配料都有好多，除咗櫻花蝦，仲有蓮藕、紫椰菜、幾塊慢煮雞肉，肉質軟林，一啲都唔乾柴。個可樂樽真係超靚😍飲落有清香嘅花香味，完全冇藥水味😛食完拉麵仲有櫻花水玄信餅，十分Q彈，仲有啲黑糖汁，幾好食😋店內仲有由日本著名切繪藝術家大橋 忍，為豚王團隊 創作出以「花見」為題的切繪畫作🌸以全人手雕刻製作複雜而美麗的紙雕作品同埋櫻花裝飾🌸仲有一系列櫻祭別注版紀念品，例如係櫻祭別注切繪水瓶版、日本奈良吉野限定櫻花酒。