L'archange Chamuel (已結業)

💁其實我好少會介紹食店。因為人地介紹過，又唔洗我再寫；唔好味，我又唔想唱衰人... 但真心，荃灣好少出到質素如此高既甜品，原因我都唔知，亦唔估啦！👣其實早幾日行過都見到，只係見貼住紅紙，又唔好意思入去。到左今晚，難得星期六應該食甜野，自己開心下😋，就係晚飯前入左去買左兩件cake試下～ 講真「不得了」😍👍🏻，有幾好味我唔形容啦！直接d-我會再幫襯🎉  如果唔係禁夜，我直情會落多次樓試佢地既咖啡（我住附近），因為我直覺覺得咖啡都係水準之作！ 簡單幾句交流，我充分感受到兩位店主既熱誠。店內裝修簡潔，但極具特色，與大眾流連開既文青cafe折然不同... *個人好欣賞店鋪所印製既卡片-幼線條既燙金+簡潔既小鳥Logo設計（再加分！）**利申：本人只係住係附近既街坊，並與店主無任何利益關係。 只係想支持一下有心小店！畢竟地點係車房群中，有d隱蔽，好怕好東西未比人發現，已經支持唔住了！ 所以少少地分享下～