富山居 (裝修中)

估唔到大埔有一間價錢平民化得來又好味嘅日本餐廳👍🏻店員帶領我哋入咗之後安排咗張卡位俾我哋坐，認真坐得舒服👍🏻食吓傾吓真係唔捨得走🤣叫咗幾款食物，每款都好味出色💯❤️洋風牛肉珍珠米，個人喜好，所以去到邊都想食牛肉飯！呢度嘅牛肉飯大碗又抵食🤗滿滿嘅牛肉，仲有鮮甜嘅牛肉汁，撈埋啲珍珠米一齊食，真係唔使一陣間就比我食晒啦，超好味😋❤️三文魚腩刺身，對比三文魚，我更加偏愛食三文魚腩，色澤鮮艷而且紋理好靚，重點係夠晒鮮甜肥美🤗❤️蟹味噌甲羅燒配鱈魚干，蟹殼有齊濃濃嘅蟹膏、蟹肉、蟹子同鵪鶉蛋，溝埋一齊食真係無敵！再配埋個鱈魚干，提升口感！❤️帶子刺身，帶子厚身，腍滑又鮮甜👍🏻❤️蟹子沙律，青瓜絲同蟹子蟹柳真係絕配，開胃又解膩🤭