影片
更多
2024-07-15
790 瀏覽
🌟十萬分之推薦🌟小弟第一次寫食評就在此奉獻上俾佢首先, 個湯底十分友善, 怕香港啲人食唔慣辣, 係淡淡淡淡嘅重慶火鍋底料味, 但係入口又有啲難以形容嘅味道強行衝入你嘅口腔, 新奇有趣🤮其次, 如果你想品嚐得到入口即溶嘅口感, 呢度可以俾你用平民嘅價格體驗到, 啲麵完全可以滿足你嘅要求, 而且比入口即溶更加犀利, 當你想夾起嚟食嘅時候已經融咗, 勁過啲紙飲管🤮第三, 成碗麵都十分貼心, 怕太熱唔方便閣下放入口, 一上到嚟湯已經未見有煙, 想必係擔心炎熱嘅天氣下各位頂唔順, 而配料就係凍嘅, 完全唔需要擔心太熱食唔落口🤮第四, 保留了食材的原汁原味, 鮮味談不上, 水烚嘅味道倒是突出, 而湯底有湯底精彩, 食材有食材精彩, 完全互不相干, 在下很是佩服能達到如此境界🤮最後, 呢個最精彩, 個炸平菇簡直就係精華中嘅精華, 一上嚟係凍嘅方便入口已經係基本, 為了讓閣下飢腸轆轆嘅肚得到滿足, 一碟炸平菇入面三分之二都係炸粉, 入口時酥脆談不上, 軟糯倒是品嚐得到, 而且啲炸粉如同海綿一般, 完全吸收咗間鋪祖傳老油嘅精華, 係你擺入口嘅嗰一刻徹底爆發出嚟, 滋味實在令人畢生難忘🤮有機會記得一定要去
小弟第一次寫食評就在此奉獻上俾佢
首先, 個湯底十分友善, 怕香港啲人食唔慣辣, 係淡淡淡淡嘅重慶火鍋底料味, 但係入口又有啲難以形容嘅味道強行衝入你嘅口腔, 新奇有趣🤮
其次, 如果你想品嚐得到入口即溶嘅口感, 呢度可以俾你用平民嘅價格體驗到, 啲麵完全可以滿足你嘅要求, 而且比入口即溶更加犀利, 當你想夾起嚟食嘅時候已經融咗, 勁過啲紙飲管🤮
第三, 成碗麵都十分貼心, 怕太熱唔方便閣下放入口, 一上到嚟湯已經未見有煙, 想必係擔心炎熱嘅天氣下各位頂唔順, 而配料就係凍嘅, 完全唔需要擔心太熱食唔落口🤮
第四, 保留了食材的原汁原味, 鮮味談不上, 水烚嘅味道倒是突出, 而湯底有湯底精彩, 食材有食材精彩, 完全互不相干, 在下很是佩服能達到如此境界🤮
最後, 呢個最精彩, 個炸平菇簡直就係精華中嘅精華, 一上嚟係凍嘅方便入口已經係基本, 為了讓閣下飢腸轆轆嘅肚得到滿足, 一碟炸平菇入面三分之二都係炸粉, 入口時酥脆談不上, 軟糯倒是品嚐得到, 而且啲炸粉如同海綿一般, 完全吸收咗間鋪祖傳老油嘅精華, 係你擺入口嘅嗰一刻徹底爆發出嚟, 滋味實在令人畢生難忘🤮
有機會記得一定要去試, 差唔多六十蚊可以食到咁多體驗香港真係唔多, 裝修尚算不錯, 唯獨不太明白有位置點解仲要等, 或許係等運到, 衛生無需強求, 服務無須多言, 自助下單只需收加一, 而且位置方便, 出門就係廁所可以食完即嘔🤮
張貼