大圍小館

營業中

休息中

訂左多耐，終於今日去食，差不多六點到，已經人山人海，有點混亂，入到去，枱與枱之間比較廹，幸好待應姐姐對餐牌餸菜好清楚而且又好勤快，尤其有位興姐。燒鵝半隻，份量大，皮都脆，但冇乜肉。豉油雞半隻，好入味，最驚奇系有雞什。白果豬肚湯，足料，似屋企煲嘅湯。勾魂叉燒，有五件而且大大件，帶點肥，底下有甜米通。芥蘭鴛鴦魷，有獲氣，但芥蘭比較少。金銀旦生菜，冇試。脆皮炸白兔牛奶糖，即系炸鮮奶，作為飯後甜品，可以啦。薑米竉仔蒸蟹飯，天寒地凍，個飯熱辣辣，真係好痊愈。埋單$2000/6位，抵食。