邁爵斯 (福華街)

營業中

休息中

呢間餐廳嘅食物份量真係好大係出面就算俾80幾蚊 就算百幾蚊 都未必有咁大碟自問都算係大食嘅女仔🙈嗰晚同朋友兩個人 淨係食咗以下兩樣食物再加每人一杯嘢飲 都真係已經飽到上心口📍雞鎚配意粉沙律個意粉雖然冇汁底 但好重香蒜味亦都唔會太乾 味道都算幾香口 幾好食雞鎚同沙律就不過不失啦😌📍薯蓉配玫瑰雞翼雞翼有成六隻 兩個人分 每人三隻 其實都好夠食玫瑰味就唔係好覺啦 不過味道上甜甜地都幾好味薯蓉就唔算係好香好滑嗰一種 比較似係原個薯仔壓出嚟 仲有啲粒粒嘅口感😎😎雖則係冇餐飲 要額外分開買但食物都已經好平 所以就算額外加都絕對可以接受簡直係糧尾首選🤤🤤