呂錦記手撕雞專門店 (皇后大道西)

營業中

休息中

呢日喺上環做完嘢，行過見到有間排隊手撕雞店，大紅色招牌好搶眼，聞到好香，順便買個外賣返屋企加餸。餐廳係外賣店，有外賣一人餐最抵，$48有手撕雞、有小食、有飯仲有飲品！真係親民佛心價錢。手撕雞都有多款味道選擇，有經典原味、川香味、香辣味、麻油味、五香花生味、西域孜然、天府藤椒、印度魔鬼等等。仲有古法製作的花膠水晶雞、蟲草花水晶雞同天府香辣水晶雞。小食都唔少得，有雞瓜、雞腿骨、中華沙律、五香花生、雞腎、魚皮同雞亦。真係將隻雞煮得十八般吃法。我買咗半隻手撕雞試下，真係唔錯，手撕得細膩、皮薄，皮嫩肉滑。下次經過會再買。