影片
更多
2023-07-31
4239 瀏覽
🥰 老友 “安妮亞” 即將留學日本進修, 臨別秋波, 約戰八人飯局, 選址 傳說中嘅 “㕑魔名人坊” 探店.📖 翻查資料: 廚魔 - Alvin Leung, 米芝蓮二星 (曾經三星) 餐廳 Bo Innovation 主廚, 主攻中華分子料理. 名人坊 - 鄭錦富 (富哥) 曾於富豪飯堂工作, 後創立 “名人坊高級粵菜”. 今次 “富哥” 同 Alvin Leung 雙劍合璧, 搞咗呢間 “廚魔名人坊”.🥢 餐廳位於 中環商業大廈地牢, Jimmy’s Kitchen 舊址. 裝修格局比酒店低半檔, 似私人會所飯堂, 坐位闊落舒服. 老友 “長介” 喺 “開飯嘞” 訂枱, 集體點菜:燕窩釀鳳翼魔幻脆皮大腸燕窩鷓鴣粥豉椒炒肚尖龍蝦蟹皇糯米球魔法黑蒜豆豉雞糖心皮蛋子薑廚魔松露和牛河魔法花蚌燒豆麵 🍗 燕窩釀鳳翼. 雞翼唔夠味, 再俾燕窩拖淡咗, 沒有期待嘅震撼.🤗 魔幻脆皮大腸. 大腸臭脆, 表現出色.🐣 燕窩鷓鴣粥. 又似粥, 又似湯, 味道簡單, 唔錯!🐚 豉椒炒肚尖. 肚尖算係爽口, 但唔夠鑊氣唔夠味.🦞 龍蝦蟹皇糯米球. 龍蝦鮮彈, 味道不俗, 糯米球幾特別, 但唔知做緊乜, 係
📖 翻查資料: 廚魔 - Alvin Leung, 米芝蓮二星 (曾經三星) 餐廳 Bo Innovation 主廚, 主攻中華分子料理. 名人坊 - 鄭錦富 (富哥) 曾於富豪飯堂工作, 後創立 “名人坊高級粵菜”. 今次 “富哥” 同 Alvin Leung 雙劍合璧, 搞咗呢間 “廚魔名人坊”.
🥢 餐廳位於 中環商業大廈地牢, Jimmy’s Kitchen 舊址. 裝修格局比酒店低半檔, 似私人會所飯堂, 坐位闊落舒服. 老友 “長介” 喺 “開飯嘞” 訂枱, 集體點菜:
燕窩釀鳳翼
魔幻脆皮大腸
燕窩鷓鴣粥
豉椒炒肚尖
龍蝦蟹皇糯米球
魔法黑蒜豆豉雞
糖心皮蛋子薑
廚魔松露和牛河
魔法花蚌燒豆麵
🍗 燕窩釀鳳翼. 雞翼唔夠味, 再俾燕窩拖淡咗, 沒有期待嘅震撼.
🤗 魔幻脆皮大腸. 大腸臭脆, 表現出色.
🐣 燕窩鷓鴣粥. 又似粥, 又似湯, 味道簡單, 唔錯!
🐚 豉椒炒肚尖. 肚尖算係爽口, 但唔夠鑊氣唔夠味.
🦞 龍蝦蟹皇糯米球. 龍蝦鮮彈, 味道不俗, 糯米球幾特別, 但唔知做緊乜, 係咪要將龍蝦肉塞入糯米球一齊食?
🐣 魔法黑蒜豆豉雞. 上菜啫啫聲, 鑊氣十足, 雞肉嫩滑惹味.
🤗 糖心皮蛋子薑. 糖心, 高質, 略嫌唔夠鐵銹味, 哈.
🐂 廚魔松露和牛河. 牛肉好食, 河粉好食, 夾埋普通, 松露味唔知去咗邊.
🍜 魔法花蚌燒豆麵. 湯汁黐麵, 乾身, 鮮味.
🥂 今晚自攜三支酒, 一紅兩白, 開瓶費盛惠 $900.
🤗 總結: 以呢個級數, 服務唔夠溫度. 論食物, 味道水準之上, 菜式設計新鮮, 但食唔出驚喜喎, 十分遺憾. 晚飯完結前, “發現” 餐廳原來係米芝蓮一星, 真的嗎?
張貼
