樂天皇朝 (青衣城1)

營業中

休息中

兩大1b去完迪士尼玩，搵地方食野二話不說就揀左算近既青衣城食晚餐。帶住個b，好快就揀左樂天皇朝食晚餐，因為佢有bb凳～～呢隻bb凳可以比坐得穩至幾歲既小朋友都坐得。佢有連埋枱，細既小朋友可以用自己張枱，唔會整到枱面既食物；而大d既小朋友用就可反番張枱去後面，當高凳使用。我地兩個女人，叫左一飯一麵一籠小籠包，bb自攜食物。飯方面我地就叫左個蟹粉炒飯。呢個飯既汁蟹粉既味都好足夠，個汁唔會太濃味，唔錯。麵方面我地叫左京味炸醬拉麵。開頭睇以為個碗大但麵唔多，但撈勻左發現其實份量都ok.撈勻左係咁既樣呢個麵同出面食既差不多，食既時候建議大家記得撈勻d同記得用肉碎送麵，如果唔係就會好似我地咁食到最尾先發現仲有好多肉碎😂。由於我哋兩個本身已經試過七色小籠包，所以今次淨係叫咗普通小籠包，可能因為呢間樂天皇朝本身出名七色小籠包，所以佢既小籠包都唔錯。環境方面都幾乾淨，不過食一餐飯就聽到幾次打爛碗碟嘅聲，唔知係侍應跣手定點。