翠河餐廳 (已結業)

作為都市人，生活忙碌，放工回家後往往十分疲倦，冇可能經常在家中煮食。雖則算不上是「無飯夫婦」，但筆者與太座都有一間備用飯堂。每當太座唔想煮飯或筆者唔想洗碗嘅時候，可以在屋企附近祭五臟廟。筆者屋企位於七姊妹道附近，附近嘅茶餐廳不少，不過筆者較喜歡的是呢間翠河。唔係因為食物特別出色，之不過平均水準在附近眾多食肆屬中上，而且水準比較穩定。是晚由太座發辦，簡單的叫了兩味小菜，包括「上湯浸肉鬆時蔬」及「西檸雞」。前者除咗肉鬆之外，還有鹹蛋及菇，成碟餸清清地，唔會太鹹但有上湯味，都算健康。「西檸雞」炸得香脆，雞肉唔會「乾爭爭」，唯一嘅批評就係檸汁唔夠酸。過酸嘅西檸雞經常試過，唔夠酸的印象中都係第一次。每碟小菜都附送白飯一碗及老火湯呢啲基本動作，每碟餸三十七蚊，都可算是筆者比較懶惰但穩健嘅選擇。