影片
更多
2009-06-25
85 瀏覽
星期三，天氣持續不穩定，一時出太陽，轉眼又落雨。太座得一張一百蚊嘅優惠劵，由「香港老飯店」提供，順理成章到該處用膳，並滿足太座對「小籠包」嘅迷戀。印象中「香港老飯店」係頭一批以上海菜作招徠嘅新一代中、高檔食府，同期嘅還有「滬江」、「雪園」等。不過响呢次嘅金融海嘯中，「雪園」首先捱唔住，大幅縮小規模，老飯店亦變法求存。見菜譜上嘅套餐推介，六人套餐由原來千多元減至四百多元，連筆者也不禁向領班歎一句「生意難撈」。話說回頭，雖有多款套餐提供，適合不同數量嘅客人，但當中並冇筆者嘅心頭好，加上與太座都不是太有胃口，只是散叫作罷。筆者叫了一味冷盤醉豬手，豬手唔夠冰凍，花雕酒味亦未能完全慘入豬手中，而且肉質沒應有嘅爽脆，質量稍稍未如人意。如要提議食醉豬手嘅好去處，筆者曾試過位於將軍澳嘅「魯一居」，值得一試；之後上菜嘅係小籠包，還記得之前在「滬江」食嘅小籠包用筷子夾起小籠包頂部，粉皮便散開。這裡沒有同樣情況出現，顯而易見這裡包小籠包嘅功夫比「滬江」更出色。而且，包裡湯汁鮮甜豐富，豬肉亦嫩滑可口。整體而言，質素明顯比「滬江」更優秀；魚湯浸小棠菜係錯不了那裡嘅穩陣之選，小棠菜本身已經新鮮甜美，加上魚湯嘅鮮甜
印象中「香港老飯店」係頭一批以上海菜作招徠嘅新一代中、高檔食府，同期嘅還有「滬江」、「雪園」等。不過响呢次嘅金融海嘯中，「雪園」首先捱唔住，大幅縮小規模，老飯店亦變法求存。見菜譜上嘅套餐推介，六人套餐由原來千多元減至四百多元，連筆者也不禁向領班歎一句「生意難撈」。話說回頭，雖有多款套餐提供，適合不同數量嘅客人，但當中並冇筆者嘅心頭好，加上與太座都不是太有胃口，只是散叫作罷。
筆者叫了一味冷盤醉豬手，豬手唔夠冰凍，花雕酒味亦未能完全慘入豬手中，而且肉質沒應有嘅爽脆，質量稍稍未如人意。如要提議食醉豬手嘅好去處，筆者曾試過位於將軍澳嘅「魯一居」，值得一試；之後上菜嘅係小籠包，還記得之前在「滬江」食嘅小籠包用筷子夾起小籠包頂部，粉皮便散開。這裡沒有同樣情況出現，顯而易見這裡包小籠包嘅功夫比「滬江」更出色。而且，包裡湯汁鮮甜豐富，豬肉亦嫩滑可口。整體而言，質素明顯比「滬江」更優秀；魚湯浸小棠菜係錯不了那裡嘅穩陣之選，小棠菜本身已經新鮮甜美，加上魚湯嘅鮮甜味，令味道更有立體感。魚湯中還有切成絲嘅大頭菜，味道是鹹了一點，筆者亦唔排除有落味精，這亦可能係魚湯好飲嘅秘密；最後係太座點嘅時菜煨麵。麵條煨成呈膠質狀，加了薄茨，太座稱最合口味，但此口感不是筆者那杯茶。
埋單結賬，原價三百六十蚊，用了一百蚊優惠劵，折合二百六十蚊，平均每人一百三十蚊，兼且得到四十蚊優惠劵。換了在好景日子，兩口子食此等上海菜館，閑閑地每人二百幾、三百蚊才可落樓。現在既有優惠，而筆者環顧四周，亦只有小貓三數隻。今時今日嘅飲食業(尤其是中、高檔)要生存確實十分困難。希望此店能安然渡過難關，延續「不老」之故事。
張貼
