影片
更多
2018-06-10
964 瀏覽
今日約咗一班靚太去SOGO行街，由元朗出到老銅剛好lunch time，大家決定先到附近食啲野醫下肚，補充體力後再血併！係SOGO對面見到有間新嘅西餐廳開張無耐，MENU又好似幾吸引咁，於是就上去試試！呢間餐廳叫做Hugo Le Resto Grill，齋睇個名已覺得好high class，希望啲嘢食都一樣有返咁上下水準啦！可能時間尚早，上到去只有1-2枱客，不用等位店員便帶我們到大枱坐下。今日嘅set lunch有6款：我地剛好有6個人，於是每樣食物各叫1款，然後share食，加多$48就有任吃沙律吧了，喜歡吃菜的靚太們當然要加配啦！沙律吧雖小，但配菜尚算豐富，有菜有水果，還有薯仔沙律和長通粉，還有幾款醬料選擇，喜歡沙律醬還是黑醋還是日式麻醬都可自行添加，仲有煙肉粒、芝士粉、麵包碎，一個字「正」👍🏻👍🏻正好讓我們止一止肚餓沙律和水果都好新鮮，一吃就知菠蘿🍍是新鮮切好的，不是罐頭呢！食完兩碟沙律，侍應就開始上菜了，第一碟係卡邦尼意粉，佢同一般的卡邦尼意粉有少少分別，就係加入了一片片什菌。我一直都好鐘意食卡邦尼，最愛它濃濃的芝士香，但每次食完都感到好肥膩，好有罪惡感，但難得這碟卡邦尼意粉
呢間餐廳叫做Hugo Le Resto Grill，齋睇個名已覺得好high class，希望啲嘢食都一樣有返咁上下水準啦！可能時間尚早，上到去只有1-2枱客，不用等位店員便帶我們到大枱坐下。
今日嘅set lunch有6款：
我地剛好有6個人，於是每樣食物各叫1款，然後share食，加多$48就有任吃沙律吧了，喜歡吃菜的靚太們當然要加配啦！
沙律吧雖小，但配菜尚算豐富，有菜有水果，還有薯仔沙律和長通粉，還有幾款醬料選擇，喜歡沙律醬還是黑醋還是日式麻醬都可自行添加，仲有煙肉粒、芝士粉、麵包碎，一個字「正」👍🏻👍🏻正好讓我們止一止肚餓
沙律吧
43 瀏覽
0 讚好
0 留言
沙律和水果都好新鮮，一吃就知菠蘿🍍是新鮮切好的，不是罐頭呢！
食完兩碟沙律，侍應就開始上菜了，第一碟係卡邦尼意粉，佢同一般的卡邦尼意粉有少少分別，就係加入了一片片什菌。我一直都好鐘意食卡邦尼，最愛它濃濃的芝士香，但每次食完都感到好肥膩，好有罪惡感，但難得這碟卡邦尼意粉加入了什菌，淡淡的菇菌香氣，消除忌廉芝士的飽膩感，感覺更fresh！
卡邦尼意粉
44 瀏覽
0 讚好
0 留言
第二碟係「蜜糖燒美國岩魚配黑松露燴飯」，呢個簡直是驚喜，燴飯一上桌，已經聞到濃郁的黑松露香氣，我地好似餓鬼投胎咁，爭相拿起匙羹把它送進嘴裡去，燴飯不但入味，岩魚也煎得剛好，皮脆肉嫩，味道有點像鱈魚般，我們最後食過番尋味，仲encore多一客添！
蜜糖燒美國岩魚配黑松露燴飯
$88
39 瀏覽
0 讚好
0 留言
之後就輪到牛扒和燒豚肉上場，因為我地其中一個friend 大緊肚，係店員建議下，牛扒我地叫咗7成熟，肉質尚算可以，如果5成熟會更好。至於燒豚肉，我覺得它的肉質比牛扒更嫩滑。配菜方面，伴菜應該有用鹽水烚過，有點咸；薯條炸得剛好，鬆脆可口，不過今天有點喉嚨痛，所以只是食咗幾條咋。
安格斯牛排
$138
44 瀏覽
0 讚好
0 留言
泰式燒豚肉
37 瀏覽
0 讚好
0 留言
期間「芝麻雞絲冷麵」和「香辣蒜片野菌天使麵」也陸續上桌，「芝麻雞絲冷麵」用的是日本芝麻沙律醬，清涼醒胃，夏日炎炎，確是解暑的最佳恩物，但冷麵略嫌有點腍，我還是喜歡吃爽口的。至於「香辣蒜片野菌天使麵」則香辣惹味，與冷麵可算是最佳拍檔，帶點冰火交融的感覺，為味蕾帶來新衝激！
麻醬雞絲冷麵
$78
34 瀏覽
0 讚好
0 留言
不得不提套餐附送的餐包，不但鬆軟，而且熱烘烘的，塗上牛油超好吃。
餐飽配牛油
39 瀏覽
0 讚好
0 留言
總括而言，這間餐廳的食物是有水準的，以銅鑼灣區來說，$100多元的lunch set（連任食沙律吧）可算是物有所值，如果下次再來銅鑼灣，都想再試下佢嘅Dinner，希望能品嚐其他菜式！
張貼
