La Bombance (已結業)

東京米芝蓮一星餐廳嘅香港分店，係銅鑼灣V Point高層有無敵海景。午餐已經包括佢哋嘅Signature Dish 松露茶碗蒸蛋，雖然貌似碗仔翅但真係好食。前菜係風乾牛肉芝士沙律，主菜A4鹿兒島和牛，味噌湯，而甜品係咖啡奶涷。另一個Set嘅主菜鰻魚鵝肝飯，朋友話質素唔錯。整體感覺舒服，係呢啲地段午餐收$280起，值得推介。另外有個迷你懷石料理，$680要預早訂，個釜飯尤其巴閉。但今次冇咁多時間同錢所以冇叫。最後幾張相係之前另一次用餐時影嘅。