芽莊越式料理 (新城市廣場) (已結業)

今日收工約左家姐響新城市shopping💸，順便等埋男朋友收工過黎一齊食d野先返屋企🏠。經過芽莊見到都幾多人，侍應又見我地一袋二袋🛍，話可以安排到卡位俾我地，所以就入黎試下😅。我地叫左兩個小食另外每人一碗粉，落單時，侍應哥哥好細心地話湯粉既湯底成份有牛肉🐂，咁岩家姐唔食牛，所以要轉食撈檬，抵讚👍🏼！雖然今餐有一兩樣食物既味道爭咁d，但環境同服務都👍🏼，所以下次想食越南野都會再來😊！炸軟殼蟹🦀$128: 有兩隻，熱辣辣炸得好香好味👍🏼！河內魚🐟餅$78: 推介💯！出奇地好食😋！份量大舊之外，有d越南香料好惹味，魚肉勁彈牙，不過小心有魚骨😬河內生牛肉+爽腩粉🍲$86: 河粉勁多，湯底🥣都好味。但略嫌牛肉有點韌，牛腩唔夠爽😝。手切牛丸粉🍲$70: 牛丸真心好食😋👍🏼！但想問，點解唔係手打牛丸而係手切牛丸既😆？燒豬扒🐷撈檬$72: 家姐唔食牛所以叫左呢個，不過豬扒好韌又乾，佢大部分都無食到😞。反而檬粉口感唔錯的👌🏼。