茂一茂 (已結業)

南豐紗廠12月開幕，多野睇之餘，亦有唔少食店（不過目前開張的好幾間都主打咖啡店），當中包括呢間——來自九龍城老牌糖水舖地茂館的分支「茂一茂」。唔知係唔係想食粵語「蹲一蹲」的意思？由於肚餓，所以叫左份松露炒蛋啡菇配多士。唔係脆身的牛油多士，不過夾炒蛋食又幾好。黑松露炒蛋夠松露味，啡菇都好味。以甜品舖小食來講，有80分。另外，當然叫左兩個招牌甜品，包括生磨蛋白杏仁茶，用ikea大玻璃杯上檯，走年青路線架啦，好足杏仁味；另一個係杏仁糊，用返傳統瓷碗上檯，呢個有更濃的果仁糊味道，正。周末行一轉南豐紗廠，幫襯間傳統小店，呢件事的確好啱各位文青。