海南

營業中

休息中

性價比極高！我地係附近番學，近近地想搵個地方食lunch，無意間發現左呢間新開既海南雞。鋪面唔太，但幾企理，中午時間比較多人，都等左十分鐘左右先有位。呢到既比錢方法係埋左單先食飯，我地三個人叫左兩碟去骨海南雞同一碟紅燒狀元蹄，野食黎得好快。海南雞勁滑，無骨，三種醬都好好味，最中意碟薑蓉，油飯好香，唔會太油。豬蹄好淋，好入味，啖啖骨膠原。另外仲跟左碗冬瓜湯，好清甜！價錢十分親民，五六十蚊就食得好飽，好適合想食個平靚正快餐既朋友仔！