龍門冰室 (已結業)

最近大家都好忙，忙住去發夢，好好呀，呢間鋪頭亦都係呢個時候出嚟表態，支持爭取應有嘅嘢，不過都唔可以要人哋蝕本嘅，點都要支持佢哋支持我地。所以同朋友特登過嚟支持良心企業，我哋三個人都叫咗大家想要嘅嘢食。我就嗌左忌廉汁煙三文魚意大利飯，黑松露薯條。我好欣賞佢個黑松露薯條。原因係佢啲黑松露醬嘅黑松露味好香，而且啲薯條應該啱啱炸起，仲熱辣辣。點落去一個好香嘅黑松露醬到再放落口，真係一個超級開胃嘅小食。忌廉汁煙三文魚意大利粉又係另一個冇得彈嘅嘢食。首先我最欣賞佢嘅忌廉汁同個意大利飯融為一體，因為真係食過啲汁同飯分開嘅意大利飯。但係呢個唔會，每一粒飯都包住忌廉汁，十分綿密，再加上有好多塊煙三文魚，每一啖放入口都可以食到煙三文魚醬汁，同埋飯。另一個推介係奶茶紅豆冰，聽個名都特別，出邊完全未見過，都未試過，所以特登嗌咗三杯黎試吓。一嚟到係自家製嘅外賣杯，而且好有心思又有羹俾我食紅豆冰，亦都有飲筒飲奶茶。紅豆夠晒甜，奶茶亦都唔諧，我鐘意。