烏蠅館 (已搬遷) 新店位置

我之前見到尖沙咀又新開左日本藥妝店，打算食完野先去行街！我家姐提議帶埋媽咪一齊去食冒菜，我地一家人都好中意食辣野！烏蠅館門口充滿中式既佈置放左好多唔同特色既茶杯有好多茶葉餅做裝飾主菜烤魚出場啦！我覺得比想像中有點太濃味，食唔到魚既鮮味！入面本身有木耳、酸菜、白蘿蔔做配料！我地係中午食，所以要等45分鐘先可以上菜！魚煮得耐少少就開始肉質比較硬，建議大家熄火再慢慢品嚐！響鈴係打邊爐必食既配料，可以吸晒湯底精華！我地再加左海膽丸、牛丸，無咩驚喜，同出面食到既味道一樣！寬粉！煮到半透明就可以食得，食落都比較煙韌，唔錯！茉莉蜂蜜！不得不稱讚飲品，好有特色，好好飲！價錢都比較平，好多選擇！就算飲熱野，杯都比較厚身唔怕燙親隻手！我地仲叫左一個麵，不過份量唔算好多，材料有金菇、豬紅、蟹柳等！