老闆火鍋冰室

營業中

休息中

粥座火鍋食唔少，大部分都係九龍港島，難得見到元朗有得食，就約咗朋友去試下，地點方便，加上冰室格局，坐得好舒服。套餐包兩款固定海鮮，五款自選海鮮，同埋八款自選配料，最後就煮粥。非常豐富，食到我地好飽。海鮮有蟹、沙白、象拔蚌仔、蝦、蟶子、鮑魚等等，一個詞語形容就係新鮮。蜆肉係脹卜卜，食落冇沙有海水鹹鮮又有口感，唔會乾扁嘅口感，好好食。象拔蚌仔好甜，彈牙但係咬落又爽脆，同佢一樣嘅就係蟶子，唔係大隻，但勝在新鮮。佢海鮮全部都十分高質量，我地已經幻想到個粥可以有幾甜。之後嘅配料都唔差，花膠仔都有口感，墨魚滑非常爽彈，加上魚肚夾埋一齊係個新嘗試。朋友中意個薑汁皮蛋貢丸，彈牙又特別。另外嘅菇類同菜類都甘甜，配嘅生菜加埋粥到就更開心。佢比咗南瓜同芋頭份量非常的多，最尾嘅粥香甜可口。