地道館車仔麵

營業中

休息中

聽講呢間係黃店，當然要過黎支持下！夜晚7點幾左右到，超超超多人，排左陣隊，好彩D人食得快走得快。我叫左三個餸，包括墨丸，唐生菜，牛𦟌，米粉底，加腩汁。份量唔算太大，岩岩好食得飽，不過真係等左超超超耐，起碼二十分鐘以上，而且D餸唔係太熱，可能真係太多客，煮唔切。味道都還好，墨丸幾有口感，食到粒粒墨魚肉，唐生菜就正正常常，牛𦟌醃得幾有味，不過炆得唔夠淋，韌左少少。湯底味道都唔錯，唔重味精。整體黎講間野都算okay，不過如果想維持咁多客人既話，靠黃店呢個生招牌真係唔夠，要比多D心機係食物質素方面，加油！