The Night Market (又一城) (已結業)

食過呢間好多次，之前分享過一篇食評係講圓方間分店，今次想講下又一城分店。呢間野座落於又一城頂層，比自然光照住，好光猛，令成間餐廳感覺好舒適，影出黎既相都好好睇。今次我地叫左兩個下午茶set，好抵食，$70-80左右就有小食，主菜，同飲品，兩個人可以試到好多野。我地叫左手工水餃、牛肉麵、酸菜魚飯、元貝粟米羹，金桔檸檬，檸檬愛玉冬瓜茶。手工水餃大大隻，好足餡，多菜少肉，岩哂我口味，兩隻已經好夠食。牛肉麵既麵有少少似上海麵個種，個人不太喜歡哈哈。牛肉好入味，不過蚊得唔夠淋。酸菜魚好正，魚無咩骨，都幾新鮮，唔腥，酸菜芽菜比得好足，個湯一流，飯係珍珠米。元貝粟米羹好結，食到一粒粒元貝，真材實料。至於飲品就麻麻，因為兩杯都勁酸勁甜，兩杯都無咩分別，下次一定要問下可唔可以走糖！不過整體黎講，呢個地段呢個價錢食到呢個質素既野已經好滿足！