梅窩曼谷小廚

營業中

休息中

今次同朋友去梅窩試咗呢間梅窩小曼谷，抵食又好味。下次再去梅窩要再食多次同朋友下午去食，就叫咗下午茶加啲小食。下午茶價錢好抵，而且份量好足。我叫咗個印尼炒飯(豬)，份量好足😋下午茶嚟講超級抵，仲可以加配埋飲品！個人來講幾鍾意佢調味，唔算好鹹，而且好入味。再配埋雜豆同蛋絲。啲飯粒粒分明但唔硬。朋友叫咗海南雞飯，我都忍唔住試咗啖。醬汁好好味，正宗嘅海南雞飯醬。份量好足。海南雞嘅份量都好多。之後就到小食啦！炸蝦餅真係好好味！有機會要試吓！但個蝦餅都薄，比麥樂雞大少少。呢個串燒係可以mix嚟叫既，今次就叫咗全部雞。份量勁多，每串到勁多肉。一路食都會出煙，keep住熱辣辣！醬汁方面，沙嗲醬入面有小小花生粒，更加有咬口，口感更加豐富。臨走之前，又再嚟多次食芒果糯米飯。呢個真係推介，分量比出邊餐廳多，而且價錢好抵，只係$48蚊咋糯米飯加芒果配埋果醬，真係超夾超好味！咁啱去梅窩可以試吓！