第二街餐廳 (已結業)

以西餐來講，雖然依家唔係真係話非常之正宗嗰啲，但價錢好平，味道亦都好適合香港人口味。呢日又去左同幾個同學一齊食午餐。我其實好多次lunch都係揀芝士鮮茄焗牛肉粒飯，因為我覺得呢個都真係幾好食。芝士鮮茄焗牛肉粒飯（唔記得確實價錢，大概五十幾）五十幾蚊有湯有飯有飲品，算抵。呢個焗飯上面有好多芝士，蕃茄酸甜適中，唔係就咁得啲好假嘅甜茄汁味。牛肉粒係啲牛扒切成粒狀，所以好軟滑，好好食。當自己食緊牛扒，又有芝士又有飯，就真係會覺得50幾蚊好抵，所以我好多次都係食呢個。飲品我揀咗熱Horlick，想講一下呢間啲熱Horlick真係沖得幾好飲，應該係落咗淡奶，所以有奶香味。