반찬앤쿡 Banchan and Cook (時代廣場) (已結業)

因為有半價coupon所以揀咗呢間食晚飯。首先叫咗個牛肋骨蛋包飯，牛肉韌如湯渣，出面層脂肪又有牛羶味。講咗加錢轉紅菜頭蛋，佢冇加到...到泡菜五花腩蛋包飯，今次佢有加紅菜頭俾我，好嘅五花腩塊皮爽而不膩，可惜呢碟泡菜、五花腩嘅皮同脂肪都軟腍腍，舊蛋又軟腍腍，撈埋一齊唔知食咗啲乜，口感似肥膏撈飯...卡邦尼意粉似落太多忌廉，調味一般。最搞笑係個韓式炸雞，個炸漿同調味食落竟然似咕嚕雞肉。咕嚕皮唔係特別脆，而且雞肉削而乾，有好幾塊根本得炸粉而冇雞肉；薯條都一般，偏幼而冇薯味。服務方面，侍應態度ok但人手明顯不足，落單收碟都好難搵人，明明全場已經唔算多客。結論係下次不了。