影片
更多
2021-12-20
584 瀏覽
路過亂入，坐低先發現原來坐擁7屆米芝蓮，頓時有啲期待，環境從店員招呼都不俗，打開餐牌價錢都合理扎肉撈檬都係正常發揮，花生碎同蘿蔔絲增添爽脆口感，檬粉軟硬適中，枱面有辣椒魚露提供，可以撈檬生牛肉湯河都幾大碗，湯底有牛味但唔會好油，拌勻後牛肉剛好熟透，河粉偏幼身，質地唔錯蝦濃湯睇落好濃，但其實質地同蝦味都唔算好濃，蔬菜款式同分量都幾多，幾爽脆幾靚，個湯直接飲都可以冇諗過牛油雞翼係雞全翼，好香牛油味，炸得好脆，食落好香口，仲有啲蒜蓉一齊炸，脆醬唔會好厚，出色生菜質素都唔錯，肉碎好辣，應該係指天椒，辣味掩蓋哂其他味道普通越式春捲，勝在即炸又唔會好油。整體菜式水準都合格，但實在未有驚艷。價錢都好平實，不過可能我本身對味精敏感，食完灌極水都好口渴
扎肉撈檬都係正常發揮，花生碎同蘿蔔絲增添爽脆口感，檬粉軟硬適中，枱面有辣椒魚露提供，可以撈檬
生牛肉湯河都幾大碗，湯底有牛味但唔會好油，拌勻後牛肉剛好熟透，河粉偏幼身，質地唔錯
蝦濃湯睇落好濃，但其實質地同蝦味都唔算好濃，蔬菜款式同分量都幾多，幾爽脆幾靚，個湯直接飲都可以
冇諗過牛油雞翼係雞全翼，好香牛油味，炸得好脆，食落好香口，仲有啲蒜蓉一齊炸，脆醬唔會好厚，出色
生菜質素都唔錯，肉碎好辣，應該係指天椒，辣味掩蓋哂其他味道
普通越式春捲，勝在即炸又唔會好油。整體菜式水準都合格，但實在未有驚艷。價錢都好平實，不過可能我本身對味精敏感，食完灌極水都好口渴
張貼
