影片
更多
2024-07-18
521 瀏覽
一大班人慶生🎉，因為要方便朋友去左黃埔食，估唔到住宅區大排檔都可以盡興！呢間餐廳菜式選擇多，包括好多經典粵菜小炒，好有驚喜🤩！仲有仲有，唔好以為小店無海鮮，同老闆傾開，佢話每日都會去街市買餸，有鮮食鮮，有要求可以預先同佢講～～今晚有蟶子同貴妃蚌，有口福！🐓芝麻雞 以前成日食，依家比較少見，估唔到呢度有！雞皮連芝麻炸到勁香勁脆，但入面雞肉🍗唔會老，仲好嫩、好多肉汁。沾埋麻醬一起食，芝麻香真係搞唔掂！🐟蜜汁美極煎封鱔 美極煎鱔整得唔錯，美極嘅鮮味加上蜜汁🍯好夾，鹹甜交錯好過癮！鱔雖然唔大條，但肉質彈牙，香而不膩。😋🔥豉椒炒蟶子 一上菜就已經覺得好壯觀，蟶子每一條都勁大條😲，放入口淡淡肉超爽，果然係每日精選！豉椒炒絕對唔會出錯，香到食得落一碗飯。🍚🧄蒜蓉粉絲蒸貴妃蚌 蒜蓉膽拖貴妃蚌，加上吸收左精華嘅粉絲，鮮味無窮！✨🐚清烚田螺田螺好大隻肉夠厚，鮮甜到唔洗點醬都夠味！🥘鐵板雞雜腰花 雞雜唔成日有，用XO醬炒過，鑊氣足，香中帶辣，惹味到不得了～😍仲有其他菜式都好出色，好似紹菜豆腐浸潮州魚蛋🥬(魚蛋大大粒)、蟹肉冬蓉羹🦀（濃稠適中有口感）、豉油王炒麵（麵條幼條條分明勁香口）～～有啲卧虎藏龍嘅感覺😂
🐓芝麻雞
以前成日食，依家比較少見，估唔到呢度有！雞皮連芝麻炸到勁香勁脆，但入面雞肉🍗唔會老，仲好嫩、好多肉汁。沾埋麻醬一起食，芝麻香真係搞唔掂！
芝麻雞
0 瀏覽
0 讚好
0 留言
🐟蜜汁美極煎封鱔
美極煎鱔整得唔錯，美極嘅鮮味加上蜜汁🍯好夾，鹹甜交錯好過癮！鱔雖然唔大條，但肉質彈牙，香而不膩。😋
煎封鱔
1 瀏覽
0 讚好
0 留言
🔥豉椒炒蟶子
一上菜就已經覺得好壯觀，蟶子每一條都勁大條😲，放入口淡淡肉超爽，果然係每日精選！豉椒炒絕對唔會出錯，香到食得落一碗飯。🍚
蟶子～～～
0 瀏覽
0 讚好
0 留言
🧄蒜蓉粉絲蒸貴妃蚌
蒜蓉膽拖貴妃蚌，加上吸收左精華嘅粉絲，鮮味無窮！✨
貴妃蚌😻
0 瀏覽
0 讚好
0 留言
🐚清烚田螺
田螺好大隻肉夠厚，鮮甜到唔洗點醬都夠味！
田螺
2 瀏覽
0 讚好
0 留言
🥘鐵板雞雜腰花
雞雜唔成日有，用XO醬炒過，鑊氣足，香中帶辣，惹味到不得了～😍
腰花
4 瀏覽
0 讚好
0 留言
仲有其他菜式都好出色，好似紹菜豆腐浸潮州魚蛋🥬(魚蛋大大粒)、蟹肉冬蓉羹🦀（濃稠適中有口感）、豉油王炒麵（麵條幼條條分明勁香口）～～有啲卧虎藏龍嘅感覺😂😂!下次要再試下其他菜先得！👍🏻
蟹肉羹
6 瀏覽
0 讚好
0 留言
炒麵
1 瀏覽
0 讚好
0 留言
張貼
