船渦

營業中

休息中

今日同老公去銅鑼灣食高質火鍋，船渦主打一人一蒸氣鍋，食材新鮮又高質，用餐環境舒適寬敞，座位之間設有一度𥱊簾分隔，私隱都好高。多款不同套餐選擇，以海鮮種類分類，適合不同客人口味。枱面有溫馨提示，寫上各類海鮮要蒸的時間。揀咗九品芝麻套餐套餐有清爽嘅沙律、 香脆章魚燒。海鮮有新鮮嘅白蜆 、蝦 、鮮魚片 、大蜆 、扁蟶子和鮑魚。海鮮用冰底墊住上枱，全部都好新鮮，爽口鮮甜。肉類選擇有豬牛雞三選二，揀左豚肉片和雞腿肉，肉質鮮嫩。丸類有牛骨濃汁牛丸、薑汁皮蛋貢丸和招牌墨魚丸，爽口彈牙。蔬菜拼盤有生菜、翠肉瓜、娃娃菜、粟米、 南瓜、金菇和冬菇。蒸蔬菜原汁原味，鮮甜美味。套餐可選粥底或麵食或湯底。揀咗南瓜芋頭粥 ，食完蒸氣火鍋，店員會將南瓜芋頭粥膽放入火鍋內攪伴，滾一下就成粥，剛才蒸火鍋料的精華已經落曬蒸鍋下層，伴均勻粥膽，顏色金黃，鮮甜無比！最後仲有雪糕糯米糍做甜品。