影片
更多
2017-11-07
3368 瀏覽
朋友介紹叫我去Amina嘆下法國菜~早一個星期訂定檯就同男朋友去~位於尖沙咀金馬倫道龍記大廈5樓既法國私房菜,私隱度高,環境氣氛都很有情調,播著輕快舒情既歌又唔會令人過於拘謹,裝潢簡單乾淨,昏暗既環境如不是去找洗手間真系唔察覺走進餐廳右邊是廚房,洗手間~再到水吧,除左沖調飲品外,亦都系蠔吧有3款蠔。我地簡左10個Course$1180,自家製麵包,法包,提子包,合桃包,烘得外脆內軟,而自家製特色茄子醬既清新又開胃~餐上小品西班牙火腿配蜜瓜汁,火腿厚身肉味濃,有咬口,最中意甘香既味停留系喉嚨,再配鮮甜蜜瓜汁,清甜的味道中和鹹味~輕灸北海道元貝輕灸元貝外層微脆,帶點焦香,鹹鹹地的青瓜泡沫,肉質鮮甜又juicy與三文魚籽既鹹香非常夾,底層較淡味藜麥同超幼滑椰菜花溶,最後酸瓜粒粒頗酸,層次豐富,鮮味清新自家制凍醬灑上開心果的豬醬凍醬,自家製的肉醬好比一般罐頭的天然無防腐無添加,更食得出花心思調味製作的豬肉,比超脆多士更厚的綿密豬肉凍,一脆一綿,口感很好,在碟中有幾圈血橙汁,酸酸甜甜又有三文魚籽,想不到味道獨特又唔錯法國蝸牛好中意呢個擺盤,會令人聯想起一幅畫,蝸牛上有菠菜泡沫,炸過的蒜香粒粒好香
我地簡左10個Course$1180,
自家製麵包,法包,提子包,合桃包,烘得外脆內軟,而自家製特色茄子醬既清新又開胃~
餐上小品
西班牙火腿配蜜瓜汁,火腿厚身肉味濃,有咬口,最中意甘香既味停留系喉嚨,再配鮮甜蜜瓜汁,清甜的味道中和鹹味~
輕灸北海道元貝
輕灸元貝外層微脆,帶點焦香,鹹鹹地的青瓜泡沫,肉質鮮甜又juicy與三文魚籽既鹹香非常夾,底層較淡味藜麥同超幼滑椰菜花溶,最後酸瓜粒粒頗酸,層次豐富,鮮味清新
自家制凍醬
灑上開心果的豬醬凍醬,自家製的肉醬好比一般罐頭的天然無防腐無添加,更食得出花心思調味製作的豬肉,比超脆多士更厚的綿密豬肉凍,一脆一綿,口感很好,在碟中有幾圈血橙汁,酸酸甜甜又有三文魚籽,想不到味道獨特又唔錯
法國蝸牛
好中意呢個擺盤,會令人聯想起一幅畫,
蝸牛上有菠菜泡沫,炸過的蒜香粒粒好香脆惹味,蝸牛頗大粒,肉質軟腍,唔會有過度烤焗而令肉質乾柴,盛著蝸牛的是白豆蓉,和旁邊的菠菜蓉。
龍蝦濃湯
濃郁龍蝦湯很鮮,唔會過鹹,質感濃稠適中,炒過既龍蝦籽可自由加入湯中。
香煎法國鵝肝
像絲帶的炸牛蒡絲,如零食般香脆可口,開心果同麵包碎灑在鵝肝上減少油膩感,口感軟綿,味道濃而不羶,伴底南瓜蓉竟然有黑松露味,有驚喜!蘸一點黑醋更醒胃
蘋果木煙燻日本金槍魚
最有話題的燻魚,金槍魚,生菜,紫椰菜,紅石榴籽,麵包粒蓋在玻璃瓶內,睇住煙燻既畫面好美!半生熟雞蛋同柚子醬分別放在兩個小量杯,把木蓋掀開蘋果木香氣即時湧出,先把兩個汁醬撈好再拌入,微微木香的煙燻金槍魚又帶點鮮甜,加上雞蛋跟柚子醬更滑溜
水果雪葩
番石榴雪葩,清一清味蕾就準備到主菜了
香煎馬來西亞星班魚
麵包碎幫助吸走油份令魚皮更香脆,魚肉香嫩有肉汁,酸酸甜甜蕃茄雜蔬同橄欖油菜蓉配魚肉好美味
紅酒燴牛面肉
牛面肉煮得非常軟腍,牛肉味與紅酒汁同樣香濃,配菜雞脾菇,露荀,沾滿肉汁特別惹味
雪影
估計雪影是因爲朱古力放在鏡面的盤上,再灑上糖霜而來的~
由右數起 Berry ,Strawberry, Milk Truffle, Almond, Hazelnut 朱古力~我最中意Berry 同Strawberry因為酸酸甜甜
自家製芝士蛋糕
想不到芝士蛋糕擺盤也非常精美,6層包括面層的朱古力,忌廉芝士,朱古力脆脆,朱古力醬,榛子醬,榛子餅底,超級好食,如果有甜品部,會賣蛋糕,我一定會常常幫襯!木板上寫上Amina的朱古力字,如果在生日,特別日子也可以要求餐廳寫上你要的!一邊食朱古力榛子芝士蛋糕,一邊食蜜糖啫喱同乾花碎,最後食埋粒Raspberry,Perfect!
花茶有茶包有咖啡因及乾花無咖啡因
我簡左薰衣草乾花,我心急焗左唔夠2分鐘就飲,已經有好香既薰衣草味,再慢慢焗就愈來愈出味了～
Latte
咖啡很香濃,口感幼滑
食法國菜是享受放鬆心情的,時間一定會較長,大家一定會用得上洗手間,除左乾淨整潔外,餐廳超貼心地放了潤手霜,香水,定型水等,電話,手袋亦能放在乾淨的洗手盤檯上,最重要最令女士注意莫過於衛生,廁紙,抹手紙巾都是用上最好既牌子,令人很安心放鬆~這舒適有家的感覺
張貼
