影片
更多
2024-01-24
40 瀏覽
聽朋友介紹銅鑼灣三原，地點近利園，裝修仲好靚💗原來由將軍澳搬咗過海，賣點全店都由日本師傅主理，今次serve我哋嘅師傅嚟自日本銀座。鍾意日本師傅，因為匠人精神，一定將食物研究到極致。賣相靚靚外，一定係最俾心機。Lunch menu幾相宜，分$480同$780，相差一道龍蝦或鮑魚。揀咗個480試下，都好有驚喜！值得一讚，每個位仲有手寫name tag，好貼心亦有溫度。💬前菜｜季節のサラダ沙律前菜用咗新鮮芒果汁做醬，醒一醒個胃。💬汁物Soup蟹籽蟹肉茶碗蒸茶碗蒸個底非常嫩滑，亦都唔會太鹹，on top有大量蟹肉！好鮮甜，亦好有咬口。💬進肴Entrée｜北海道産ホタテ貝柱のカツレツ奈良漬タルタルソース旁邊嘅店員非常好，每一道菜都會簡單咁介紹吓，師傅唔識中文都唔太大問題。超有心機，將春卷皮切成絲咁幼細，包住日本嘅帶子煎香，top係奈良漬配上少少蛋黃醬配少少三文魚子，整道菜有唔同嘅層次，喺出邊係未食過嘅。💬追行Seafood｜本日の魚料理銀鱈魚魚皮脆卜卜！旁邊有自制嘅紫菜汁，鹹鹹香香咁帶出佢個鮮味！💬主来Main｜和牛漢堡 和牛薄燒和牛薄燒，油脂唔算太重，好軟淋，加上壽喜燒汁同蛋黃。另外朋友揀咗
鍾意日本師傅，因為匠人精神，一定將食物研究到極致。賣相靚靚外，一定係最俾心機。
Lunch menu幾相宜，分$480同$780，相差一道龍蝦或鮑魚。揀咗個480試下，都好有驚喜！值得一讚，每個位仲有手寫name tag，好貼心亦有溫度。
💬前菜｜季節のサラダ
沙律前菜用咗新鮮芒果汁做醬，醒一醒個胃。
💬汁物Soup
蟹籽蟹肉茶碗蒸
茶碗蒸個底非常嫩滑，亦都唔會太鹹，on top有大量蟹肉！好鮮甜，亦好有咬口。
💬進肴Entrée｜北海道産ホタテ貝柱のカツレツ奈良漬タルタルソース
旁邊嘅店員非常好，每一道菜都會簡單咁介紹吓，師傅唔識中文都唔太大問題。
超有心機，將春卷皮切成絲咁幼細，包住日本嘅帶子煎香，top係奈良漬配上少少蛋黃醬配少少三文魚子，整道菜有唔同嘅層次，喺出邊係未食過嘅。
💬追行Seafood｜本日の魚料理
銀鱈魚魚皮脆卜卜！旁邊有自制嘅紫菜汁，鹹鹹香香咁帶出佢個鮮味！
💬主来Main｜和牛漢堡 和牛薄燒
和牛薄燒，油脂唔算太重，好軟淋，加上壽喜燒汁同蛋黃。另外朋友揀咗漢堡，漢堡好香牛味，唔太乾身，口感好full好rich。
💬御飯Rice Garlic Rice
💬止腕Miso Soup 赤出汁
💬香物Pickles
蛋炒飯好乾身好香，配返個熱辣辣赤味噌湯🥳全餐都好好。
💬水菓子Dessert｜Homemade Gelato
餐廳自制嘅gelato，係焦糖味，好smooth好香，而餐廳用嘅用具都好靚，令到整件事都加分！
另外除咗鐵板，仲有sushi同酒吧！想坐下傾下，記得早少少book位！
張貼
