影片
更多
2016-08-25
3061 瀏覽
竹園海鮮酒家，老字號有50年了，一味芝士龍蝦威震香江，遠近馳名。竹園可謂陪著我成長。小時候去竹園最開心（真的是「小時候」王書麒，路家敏年代），食物好唔好食就唔知，淨係汽水就飲到飽。想當年， 在酒樓叫汽水飲是非常奢侈的事，老豆老母實唔畀， 唯有在竹園，汽水是任飲， 玩Free Flow， 小朋友想唔發癲都幾難。出來做事，有幸遇著位好老闆，特別為我們高層員工，設置私人廚房，貴賓宴會廳， 邀請竹園人稱二哥，三哥來主理， 無論是珍饈百味式宴客， 抑或是家常便飯式食餐晏，都是水準之作。菜式創作講求用料靚，玩配搭，講廚藝，不是盲目式追求鮑參翅肚，日子有功，嘴仔都練到刁咗，眨眼間，十幾年前的事了。今日到上環竹園，再遇三哥，難得。 三哥御駕親征，貴為潮州普寧人，示範如何做正宗潮州蠔仔烙，食到舐舐脷。「呀輕，賀jet！」（呀兄，好吃）我都忍唔住，「格己冷」一番。睇得出三哥對潮州菜好有要求，好想做到正宗潮州風味。另外嗰碟胡椒豬肚莧菜就靚到暈，豬肚料靚新鮮，胡椒味夠，不辛辣啱啱好，莧菜夠嫩，好味。嚟到竹園點都要食下海鮮， 奄仔蟹當造， 爆哂啲蟹膏咁滯，直逼黃油蟹， 好食抵食。 中秋節前食奄仔蟹最當造，勿失良
竹園可謂陪著我成長。小時候去竹園最開心（真的是「小時候」王書麒，路家敏年代），食物好唔好食就唔知，淨係汽水就飲到飽。想當年， 在酒樓叫汽水飲是非常奢侈的事，老豆老母實唔畀， 唯有在竹園，汽水是任飲， 玩Free Flow， 小朋友想唔發癲都幾難。
出來做事，有幸遇著位好老闆，特別為我們高層員工，設置私人廚房，貴賓宴會廳， 邀請竹園人稱二哥，三哥來主理， 無論是珍饈百味式宴客， 抑或是家常便飯式食餐晏，都是水準之作。菜式創作講求用料靚，玩配搭，講廚藝，不是盲目式追求鮑參翅肚，日子有功，嘴仔都練到刁咗，眨眼間，十幾年前的事了。
今日到上環竹園，再遇三哥，難得。 三哥御駕親征，貴為潮州普寧人，示範如何做正宗潮州蠔仔烙，食到舐舐脷。
「呀輕，賀jet！」（呀兄，好吃）我都忍唔住，「格己冷」一番。
睇得出三哥對潮州菜好有要求，好想做到正宗潮州風味。另外嗰碟胡椒豬肚莧菜就靚到暈，豬肚料靚新鮮，胡椒味夠，不辛辣啱啱好，莧菜夠嫩，好味。
嚟到竹園點都要食下海鮮， 奄仔蟹當造， 爆哂啲蟹膏咁滯，直逼黃油蟹， 好食抵食。 中秋節前食奄仔蟹最當造，勿失良機。海中蝦好大隻，蝦肉夠彈，大隻到仲有蝦膏添，豉油皇煎，味道一流。
再來一碟大腸釀蝦膠，又估唔到咁好食， 煙靭軟滑並重，好好口感。 點知三哥過來，望一望碟餸 ，眉頭一皺，咩事呢？
「可以畀我試一試啲蒜粒嗎?」 三哥隨即挾一些蒜粒放入口試試，然後話:「唔合格，唔好意思！」
只不過是鋪在大腸釀蝦膠上面啲蒜粒啫， 使唔使咁認真？ 我也挾一口試試，都幾脆香，問題係邊呢?
三哥解釋: 「將蒜粒幾啖之後，睇睇有冇黐牙，有就不合格。 若廚師再炒多幾吓，蒜粒就再乾身啲，食落口吞埋都冇黐牙。 但係呢幾下就考起廚師，一旦炒多咗，蒜粒過火就會變苦。」
我諗起周星馳（ 喜劇之王）:「呢啲咪就係專業，臨時演員都係演員」。 三哥呢啲咪就係專業，在他眼中，配菜都係菜，蒜粒都要做到最好，不可馬虎。
In my opinion, 中國菜點解贏其他菜, 就係一個「炒」字，一隻生鐵鑊，一個鑊鏟，仲有最難搞嘅火，都不知考起幾多廚師。
我又諗起周星馳（食神）：「 他高傲，但宅心仁厚。他低調，但受萬人景仰。他可以將神賜給人類嘅火運用得出神入化，可以煮出堪稱火之藝術嘅超級菜式！他究竟是神仙嘅化身，定係地獄嚟嘅使者呢？冇人知道，但可以肯定嘅係，每個人都畀佢一個稱號…… 食神!」 哈哈！
眼前的三哥，仍然非常有魄力， 完全壓得住場。 一邊招呼客人，一邊監察出品，一邊Fing住杯紅酒，談笑風生。做咗幾十年飲食， 你估流㗎！😉
張貼
