韓嘢 (已結業)

今日放工去跑步，見到太子開咗韓國食品店就去試吓，其實都趕得切堂食嘅，見到店內有一個位置好似可以坐低食，未落單先問吓店員，佢話冇堂食店外有一張枱同櫈可以坐喺嗰度食（礙於面向馬路感覺奇怪同會食塵，外賣喺其他地方食啦！）又想食餅捲又想食炸雞🍗點算好問吓店員份量會唔會食唔哂，佢話應該夠飽咁我就要什錦菇韓式餅捲同韓式炸雞（1人套餐）醬油味（因為套餐有醃蘿蔔靑瓜）飲品要咗五味子茶，等餐其間逛一逛，店內除咗餐飲仲有其他韓國產品，煮食用具,diffuser,handcream,Accessory,文具,零食,冷藏食物,酒等等。我個餐攞得啦，臨走前問店員開到幾多點，佢話餐飲到20:00另一邊就21:00。去開餐先什錦菇餅捲份量十足，味道唔錯唯一希望可以改善包嘅方法，食到一半又跌出食材又漏到一手都係汁，有啲失措😅醬油炸雞🍗雞皮脆得嚟唔油好乾身肉嫩好多汁嘩！跟餐嘅薯條🍟好多呀我真係食唔哂，食剩三分一😝醃蘿蔔青瓜我覺得蘿蔔唔夠爽口同偏酸（個人口味而言）五味子茶酸酸哋幾好味同埋好夠熱好大杯跑完步行返韓嘢差唔多八點，買咗野櫻莓綠茶朱古力、野櫻莓黑朱古力、韓國紫菜、即冲焦糖咖啡同覆盆子酒（店員話似紅酒🍷咁）又試吓啦