Le Blanc (已結業)

Item: Le Blanc
Rating: 4
Author: 陳真

3.5

82 食評

味道

環境

服務

衛生

抵食

4298

灣仔

$201-400

意大利菜法國菜甜品/糖水

陳真

等級4

165

星期二, 表姐突然來電, 約哂幾個阿姨, 幾家人一齊星期三食飯, 地點一路都保密, 只知道大家約在灣仔大有商場. 食歷高深的她, 我覺得一定會食好野, 直至下午三點幾, 才收到SMS, 原來是晚晚餐地點叫 "Le Blanc", 表姐安排了一頓豐富的私房法國大餐.

我們, 一行13人, 就安排了坐係對住門口既一間房仔. 非常之private, 而且, 其他食客既位, 都有一塊白布做屏障. 發覺無論你多少人來, 店方都會盡量令你有一個非常私人的環境來享受美食.

餐單Menu, 一人一份. 而且是有得選擇的, 不同其他私房菜咁, 佢煮乜你就食乜. 這裡, 淨Appetizers已有12個選擇之多, 連海鮮Plates同湯, 足有18個choice. 可以簡單的3 courses, 4 courses, 甚至5 courses. 隨自己食量而定. 而且, 我們猶疑一樣野, 咁多張單一齊落, 會唔會撈亂呢. 答案是不會的, 因為每人分配了一張menu紙, 上面有一個獨特的位號. 確保出餐時, 不會出錯.

由於我們人多, 故只能節錄部份的菜式做介紹. 而首先, 當然是介紹美味的Appetizers啦. 圖1, 是齋妹點下的 Roast Tartlet of Tomatoes with goat Cheese. 是一個蕃茄撻, 面頭再混上羊奶芝士. 撻, 不是我們常見, 蛋撻咁既碗形撻. 而只是一塊扁平的酥皮. 味道全由蕃茄味同羊芝士帶出. 濃味而不羶, 味咸又帶甜. 一味菜帶出多種味道, 實在是不錯.

姨丈的, Creamy Salmon Tartar with Caviar. 把Smoke Salmon切成碎粒再砌成一個cake仔形狀. 用了少許Tartar Source 來釣一釣魚既味道, 把咸香的Smoke Salmon, 加點Tartar source既酸香, 再有少少魚子醬把味道變濃. 又是百味交雜的一個前菜, 滿分.

平常愛食Parma Ham的我, 今之頭盤都有一個Ham with Melon, 不過呢塊Ham, 不是Parma, 是Serrano Ham (西班牙風乾火腿). 菜名全稱叫, Jamon Serrano Ham cured with Melon. 咸而香口的火腿薄片, 包在甜入心的蜜瓜上. 咸甜味道交替. 只吃四塊略嫌不夠.

之後是爸order的 Smoked Duck brest with Goat Cheese & Green Apple, 一杯裝的頭盤小食, 這煙鴨胸, 看落不同我們一般在市面上買到的, 這塊鴨胸, texture非常之結實, 爸牙力不足, 令佢覺得鴨胸帶少少韌. 下面的羊芝士加蘋果粒, 酸酸香香的, 爸說有點開胃既感覺.

哥點了一個Angel Shrimp cocktail with Lettuce Salad with Avocado. Avocado, 牛油果我看不見. 不過餐牌上的Shrimp. 是單數, 果然是得一隻蝦, 而呢一大隻蝦, 其實已經好夠份量. 大蝦, 蝦膏非常之多, 第一口, 就要把蝦頭咬破, 盡情地去啜取那美味而且帶著重海水味的蝦膏. 蝦肉爽, 充滿咸而香口的海水味. 沙律同牛油果, 只是一個沒有用的大配角.

表姐叫多了一個海鮮併盤, 大家分. 有半隻大蟹, 兩隻海螺同一些甜蝦仔. 甜蝦, 味道超甜, 一搣開蝦頭, 一定要即啜, 盡量不把蝦內, 美味的肉汁加海水流走. 蝦頭雖是小小, 但一樣有蝦膏, 而且蝦仔本身帶甜. 美味非常. 海螺, 同樣是因為那味清咸香的海水味道而令人稱美. 蟹, 父親稱其品種為睡蟹, 蟹殼較硬的, 分蟹時, 爸得到了充滿肥膏的蟹蓋, 鮮甜肥美, 味道新鮮, 有份吃既人都吃得津津有味.

頭盤食完了, 大家休息一會, 有叫湯的朋友, 就先上湯. 由於篇幅關係, 相片就欠奉了. 我要了一個牛尾湯, 而齋妹就要了一客蘑菇湯. 牛尾湯, 味道濃香甜. 牛肉一粒一粒, 是湯之中既佳餚. 而蘑菇湯, 可能欠缺了芝士同忌廉, 飲落總是差咁樣野咁.

沒叫湯的朋友, 就要等到呢一刻才有中場小食, 我們order了一人一份, 是一個sorbet (雪葩), 味道是芒果加荔枝. 在食主菜之前, 大家輕輕的, 食下這一小杯, 又凍, 又酸, 又甜的小小甜點, 的確是非常refreshing, 醒一醒胃, 繼續我們的法國大餐.

圖片中, 大家又會看到一隻大蝦, 這是一隻燒大蝦, 一隻大帶子同一隻大蠔. 全名是 Grilled Jumbo Scallop, Tiger prawn & Oyster with almond gazpacho. 巨形老虎蝦, 肉質爽甜. 而帶子, menu上說明jumbo, 就的確是一個Jumbo size既巨帶子. 這裡的所有海鮮都是非常新鮮的, 爸吃得不只是津津有味, 而是津津樂道. 兩個食海鮮的老人家, 暫且把膽固醇呢回事忘記....姨丈說, 回家食返粒丸都冇事啦.

Duck Confit, 鴨肶. 一聽到中文鴨肶, 就會聯想起鴨腿湯飯, 一聽到英文Duck Confit, 聯想起的, 就是燒鴨肶. 鴨肶, 事先經過調味, 所以味道帶著一種咸而香既味道. 而且是用焗既方法煮製而成, 外表雖是烤乾, 但所有調味同肉汁, 就此被完全的吸引. 果真是啖啖有味.

紅酒燴牛肉. Boeuf Bouruignon. 一粒粒牛立方, 味道香濃, 用紅酒帶出來的汁, 濃郁的, 甜香的. 牛肉粒亦涉滿哂汁既味道. 說笑的一句, 加一碗白飯來吃, 更加美味可口. 說真, 紅酒燴牛尾, 也是同一個味道.

看另一張圖, 兩塊圓圓的, 白色的東東, 看來就是Menu上的Jumbo Scallop. 看多一眼, 原來不是, 是魚肉兩塊. Roulade of Dover Sole in Lobster- basil Sauce. 兩舊卷成圓形的魚塊, 肉質香滑. 一切食一口, 已經感覺到魚肉的鮮味. 龍蝦汁就負責把味道加重, 法國是著重於味道的民族, 怎能就咁煎魚加檸檬汁呢.

我們一檯人,最多人叫的, 就是燒春雞. Roast Coriander Yellow Spring Chicken with Yogurt. 說就說是春雞, 但都幾大隻下, 原隻烤熟的黃雞. 皮帶黃色因為其飼料主要是粟米. 春雞, 肉質比較嫩, 分給我的一口雞, 是雞胸肉, 若是成年的外國雞, 胸肉大多會比較粗鞋. 而此隻春雞, 胸肉, 當然比起肶肉鞋啦. 不過因為是春雞的原故, 鞋得黎帶點嫩口, 而且雞皮烤得非常香脆. 味道一樣是美.

Baked Spinach Gnocchi with Chanterelle, 是一個菠菜加芝士的菜式. 菠菜用上Gnocchi芝士卷成一團團, 再配上另一個芝士汁. 味道又creamy又濃香. 愛食芝士的人, 是不容錯過的, 不過此道菜有一個con. 就是非常之漏.....芝士太多了, 食少少都非常之飽肚.

主菜過後, 店方收了碟, 再給大家一段時間傾下計, 去下廁所, 用時間來令剛才吃下的東西稍為消化一下. 時間計得差不多了, 就開始我們的甜品時間. 正正式式食法國菜, 就要預了要花時間, 因為法國人認為食是一種享受, 需要時間去慢慢的enjoy.

甜品, 有一個Fruit Crumble with Cinnamon Ice-cream, Hazelnut and black truffle parfait with orange confit. 同 Wild Berries Vacherin.

Fruit Crumble, 後來店方說明是Apple Crumble, 下面是熱的Apple Crumble, 上面是凍的雲呢拿雪糕. Cinnamon ice-cream, 原來是指在雪糕上面洒上玉桂粉. 味道清而甜.

Wild Berries Vacherin, 野莓雪葩同雲呢拿雪糕混成一球. 一半帶酸, 一半帶甜, 加甘杯底的雜果, 是一個為夏日而設的甜品.

Hazelnut and black truffle parfait with orange confit, 榛子parfait , 內裡有少少朱古力碎. 用果仁做的parfait, 味道帶少少cream cream 地. 榛子味道重, 令到口留榛子香. 不過那片仔orange confit就唔係人人喏食了.

非常private的地方, 非常豐富而美味的私房晚餐. 阿姨說出, 是晚吹雞的原由是為了同我父母餞行, 但我們總覺得真正原因不只是這樣, 非常之含糊. 不過, 難得媽咪四姊妹, 四家人到齊, 大家話題多多, 自成一角的空間, 不會騷擾倒其他食客. 在這兒用餐, 可以好Party, 可以好family, 亦可以非常浪漫. 最重要是食物有質素. 而服務上, 是非常家庭式的服務, 令到食客們有一種舒適的友誼感覺. 少了一般高級法國餐廳的拘束.

PS. 這兒有最低人頭消費, 平均每人最少要點$290.