影片
更多
2021-05-26
9148 瀏覽
老豆好鍾意飲茶🍵，我之前睇網上介紹已經想同老豆嚟試下呢間輝哥點心放題。只需要$78就可以90分鐘任食多達50款高級粵式手工點心，真係超抵呀！難怪一嚟到已經見到全店爆滿，真係好誇張😨！ 每人仲送半隻紅燒皇子鴿，食落熱辣辣，皮脆、肉滑、骨嫩、多汁，好味道呀🤤！ 點心選擇好多，首先出面有自助吧可以自己拎大排檔小食，有XO醬炒腸粉、咖哩魚蛋蘿蔔、椒鹽雞翼尖、涼拌茄子、街頭碗仔翅、生炒糯米飯、藥膳雞腳、煎蝦韭菜餅、川芎魚頭、黑糖豆花。全部都係細細碟，可以方便食多啲唔同嘢。 另外點心紙都有好多款式揀，包括點心、粥品、小食、蔬菜🥬，甚至連炒粉麵都有，好抵食呀！而且所有點心都係即叫即蒸，保證新鮮。 水晶蝦餃皇都好大隻，晶瑩剔透，個皮唔會太厚，鮮蝦爽口彈牙。 叫完蝦餃，點可以唔埋燒賣，豬肉唔會太肥，粒粒脹卜卜，蝦肉爽口。 燒汁牛柳粒都幾腍，食落幾嫩。燒汁味香濃入味。 八味脆豆腐炸得香脆，外脆內嫩，表層嘅椒鹽非常惹味。 炸雲吞炸得金黃，酥脆香口，餡料一樣爽口彈牙。 炸春卷一向係我其中一款去酒樓必點嘅點心，春卷炸得香脆，滿滿內餡超滿足。 除咗點心，全程仲有任飲汽水果汁。 🥤埋單先發覺原來長者卡仲可以減$10
老豆好鍾意飲茶🍵，我之前睇網上介紹已經想同老豆嚟試下呢間輝哥點心放題。只需要$78就可以90分鐘任食多達50款高級粵式手工點心，真係超抵呀！難怪一嚟到已經見到全店爆滿，真係好誇張😨！
每人仲送半隻紅燒皇子鴿，食落熱辣辣，皮脆、肉滑、骨嫩、多汁，好味道呀🤤！
點心選擇好多，首先出面有自助吧可以自己拎大排檔小食，有XO醬炒腸粉、咖哩魚蛋蘿蔔、椒鹽雞翼尖、涼拌茄子、街頭碗仔翅、生炒糯米飯、藥膳雞腳、煎蝦韭菜餅、川芎魚頭、黑糖豆花。全部都係細細碟，可以方便食多啲唔同嘢。
另外點心紙都有好多款式揀，包括點心、粥品、小食、蔬菜🥬，甚至連炒粉麵都有，好抵食呀！而且所有點心都係即叫即蒸，保證新鮮。
水晶蝦餃皇都好大隻，晶瑩剔透，個皮唔會太厚，鮮蝦爽口彈牙。
叫完蝦餃，點可以唔埋燒賣，豬肉唔會太肥，粒粒脹卜卜，蝦肉爽口。
燒汁牛柳粒都幾腍，食落幾嫩。燒汁味香濃入味。
八味脆豆腐炸得香脆，外脆內嫩，表層嘅椒鹽非常惹味。
炸雲吞炸得金黃，酥脆香口，餡料一樣爽口彈牙。
炸春卷一向係我其中一款去酒樓必點嘅點心，春卷炸得香脆，滿滿內餡超滿足。
除咗點心，全程仲有任飲汽水果汁。 🥤
埋單先發覺原來長者卡仲可以減$10，真係真心要講句，抵！抵！抵！重要事講3次！📢📢📢
張貼
