樂天皇朝 (雅蘭中心)

營業中

休息中

我係為咗依個八色小籠包以來。八色小籠包夠晒色彩繽紛,一籠有齊晒原味,人參,鵝肝,黑松露,川味麻辣,芝士蟹粉同蒜香味嘅小籠乜,鍾意重口味嘅我當然最愛就係黑松露同鵝肝味。刀切小饅頭其實就係炸饅頭,雖然好多茶樓或者點心店都有炸饅頭,不過唔係間間都好食,但係依個炸饅頭令我忍唔住食咗兩個,新鮮熱辣辣外脆內軟,而且完全冇任何油膩感。蘿蔔絲酥餅依家真係見小賣小,最愛酥脆嘅外層,內裏又有香甜軟淋鮮味嘅蘿蔔絲。上海炒飯夠晒有鑊氣,粒粒分明。餡料又夠多,幾乎每啖都食到蝦仁。皇朝話梅骨係店員推介嘅招牌小菜,酸酸甜甜嘅口味超開胃。食完正餐當然要食甜品作為結尾,諗都唔使諗就order左香煎豆沙鍋餅,外皮煎得超香脆帶有少少QQ嘅口感,包住香甜嘅豆沙蓉簡直天衣無縫。