Pici

營業中

休息中

由於打風，服務員多過客人，但都有禮貌同快手，唔會懶懶閒。小朋友想食多啲麵包，我地要求多一袋餐包都可以提供到。食物一貫的好，因為之前食過西環分店。前菜要咗牛油果吞拿魚他他，味道略嫌淡味，但加咗醃洋蔥有加分。肉丸大大粒好足料，勁多芝士，而且蕃茄醬好味到要黎搽麵包。 辣肉貓耳朵好惹味，真正al dente，個汁好味到想舐碟。松露雲吞略嫌普通，可能我係濃味人。記住黑松露要有熱力先會散發香氣。 Tiramisu好香，唔會太甜好好味。 上咗個甜品就問職員有無蠟燭，點知加埋個生日牌，職員唱生日歌，又有即影即有相送 ，仲有coupon送添～去呢度慶祝生日都唔錯。