Ruby Tuesday (世貿中心) (已結業)

今日海馬襲港，難得有一日既平日假期就即刻上露比星期二既官網print張lunch買一送一既cupon啦！打埋電話真係有開就即刻行去世貿開餐揀左兩個lunch set:分别係炸魚薯條同芝士西蘭花雞肉長通粉,尤其炸魚食得出係高級既鱈魚柳,好鬼滑 而難得打風食物服務都係預期水準之中 (辛苦晒一班冒住風雨返工既從業員)lunch set 仲包括餐湯/沙律同飲品大家都知香港哋揾食唔易，係打風既日子四周圍落曬閂直頭“搵食"艱難:咁難得係打風天可以用茶餐廳既價錢食到高級西餐喎，仲享受埋呢日假期，所以每次打風呢度就化身我嘅食堂:約定大家下次打風，不見不散！