二十道

星期日夜晚都有$90拉麵加小食、飲品套餐，真係平民之選。小店細細間，入邊全部都係吧枱位，有日式拉麵店嘅風味。餐牌有魚生飯、拉麵、烏冬等等。$90餐以下各項自選一款：▶️山芋魚肉、雞肉拉麵 /辛辣牛舌拉麵▶️吉列紫菜蠔/岩熔蝦球▶️可樂/鳥龍茶我哋叫咗兩個餐，每樣揀咗一款。山芋魚肉、雞肉拉麵🍜湯底清甜，山芋魚肉軟綿綿好似綿花咁好特別，雞肉慢煮肉質腍身。辛辣牛舌拉麵，有多塊薄薄嘅牛舌。辛辣醬分開上，鍾意落幾多就幾多。吉列紫菜蠔香脆，蠔幾鮮味juicy! 岩熔蝦球脆脆，蝦球咬開有蛋黃漿。