魂 (已搬遷) 新店位置

今日同男朋友試食魂。三點左右去到，入面得兩個食客，唔洗排隊。我嗌左墨魚汁拉麵，男朋友嗌蕃茄辣拉麵。墨魚汁拉麵配蟹膏，蟹膏唔錯。拉麵嘅蛋都幾流心，但係冇調味嘅。墨魚汁仲未同湯完全撈埋，記得撈好再食。墨魚味偏淡，不過應該少啲味精，感覺幾天然。個湯可以濃少少。蕃茄拉麵，蕃茄味唔係好突出，一食落去可能會覺得好辣，但食多幾啖都接受到。個麵配三文魚，三文魚得好少而且都幾咸。仲有個麵同叉燒都幾少。枱面杯水好似放左好耐。值得讚係個拉麵造型幾靚。