令和鍋物酒場

營業中

休息中

今日去咗間非常滿意嘅居酒屋，位於尖沙咀厚福街，名叫令和鍋物酒場，門面不大卻非常吸睛，準備進入店舖已感受到盡是日本風情，店員先敲兩下鼓表示歡迎，充滿日式嘅裝修擺設同店員熱情有禮嘅招待，未食已經好開心。堂煮壽喜燒A4和牛肩胛，店員會即場煎和牛，食完加湯煮雜菜，壽喜燒和牛牛味濃郁，店員控制得好好，入口嫩滑油香撲鼻。關西大阪風魷魚串，魷魚好彈牙，加入大阪燒汁同木魚絲非常好食。唐揚海苔魷魚鬚，魷魚鬚外層包住加入海苔嘅炸醬，有魷魚鮮味又有海苔香味好爽彈。海鮮方面點了北海道帆立貝裙邊、磯煮鮑魚、燒廣島生蠔、北寄貝同帆立貝，各樣都好出色，刺身溫度處理非常好，係優質日本料理。店舖做緊優惠，全日清酒半價！晚上7點前結帳離座或10點後入座：正價食品8折/生啤買一送一/每日三款指定火鍋半價！！環境`、食物、服務都出色，值得推介。