影片
更多
2024-12-08
0 瀏覽
天氣漸涼，要食返啲燒肉取暖🥰之前食過LV2都已經唔錯，今次就食LV4 套餐- 日本佐賀A4和牛海鮮放題（120mins) ($658/位）。（貪佢呢期download TGG Apps做會員，食LV4每位成人可以減 $100)首先會先上一份🐮佐賀和牛（每款各兩件）：究極佐賀和牛三角嫩肌佐賀A4和牛薄炙燒牛肋肉佐賀A4和牛小排佐賀A4和牛肩胛佐賀A4和牛角切佐賀A4和牛牛肋條🐮和牛質素好好，油脂分佈好靚入口即融，牛味濃郁！叫咗兩三轉質素都一樣咁靚😋 值回票價！ 同埋有俾月見汁🥚有加分。另外仲有🔥煙燻壺漬封門柳（醬油味）同🐟燒白鱔配鰻魚汁、檸檬鹽醬。封門柳必點，肉質鬆軟但唔韌，肉味濃郁，調味做得唔錯。上次同朋友食咗好幾轉，仲念念不忘。燒白鱔肥瘦適中，魚肉爽口，兩款醬味道幾好。之後就落單叫咗好幾款海鮮同唔同肉類🦪燒日本原隻生蠔 : 鮮味，而且有返咁上下size💠原隻鮑魚燒 ：爽口！🦐大海老 ： 食落啖啖肉，質素唔錯💠照燒帆立貝 : 食落都ok，算大件🦑原條魷魚筒 : 好爽口，點燒汁食一流🥩香草羊架：推介🔥肉質軟熟，羊味濃，難怪檯檯都有叫🐏孜然羊肉串： 孜然味唔算重，但反而咁樣食到羊味仲好😋🔥
天氣漸涼，要食返啲燒肉取暖🥰之前食過LV2都已經唔錯，今次就食LV4 套餐- 日本佐賀A4和牛海鮮放題（120mins) ($658/位）。（貪佢呢期download TGG Apps做會員，食LV4每位成人可以減 $100)
首先會先上一份🐮佐賀和牛（每款各兩件）：
究極佐賀和牛三角嫩肌
佐賀A4和牛薄炙燒牛肋肉
佐賀A4和牛小排
佐賀A4和牛肩胛
佐賀A4和牛角切
佐賀A4和牛牛肋條
🐮和牛質素好好，油脂分佈好靚入口即融，牛味濃郁！叫咗兩三轉質素都一樣咁靚😋 值回票價！ 同埋有俾月見汁🥚有加分。
另外仲有🔥煙燻壺漬封門柳（醬油味）同🐟燒白鱔配鰻魚汁、檸檬鹽醬。封門柳必點，肉質鬆軟但唔韌，肉味濃郁，調味做得唔錯。上次同朋友食咗好幾轉，仲念念不忘。
燒白鱔肥瘦適中，魚肉爽口，兩款醬味道幾好。
之後就落單叫咗好幾款海鮮同唔同肉類
🦪燒日本原隻生蠔 : 鮮味，而且有返咁上下size
💠原隻鮑魚燒 ：爽口！
🦐大海老 ： 食落啖啖肉，質素唔錯
💠照燒帆立貝 : 食落都ok，算大件
🦑原條魷魚筒 : 好爽口，點燒汁食一流
🥩香草羊架：推介🔥肉質軟熟，羊味濃，難怪檯檯都有叫
🐏孜然羊肉串： 孜然味唔算重，但反而咁樣食到羊味仲好😋
🔥醬燒赤雞雞爽肉：赤雞雞味好濃！ 真心要用好有雞味嚟形容
自助區除咗飲品，仲有熟食、蔬菜、前菜、水果、甜品等自取。掃code叫嘅仲有唔少前菜、日式料理、炸物、飯麵等，多到試唔哂🤣
前菜拎咗基本嘅中華沙律、味付螺肉同芝麻八爪魚，另外叫咗三文魚柚子冷豆腐試下，都ok幾開胃。另外仲叫咗個好多料嘅蜆肉味噌湯（有蜆肉、海帶同豆腐）。
🍶飲品除咗雪櫃自取嘅，LV4套餐仲可以任飲清酒同啤酒，清酒勁大壺😍配日本牛有feel
🍧甜品
LV4本身送一人一個Movenpick，有好幾款口味選擇。自助區仲有麻糬、銅鑼燒、鯛魚燒、泡芝、生果、雪糕機等。
呢度有得燒甜品幾有feel! 稍微燒下銅鑼燒同鯛魚燒，食落表皮微脆，入面係熱辣辣紅豆餡🔥推薦！菠蘿本身都甜，燒完鎖咗表面水份更甜。
張貼
