OPPA韓國燒肉店

營業中

休息中

第一次來呢間店，抱住好平常嘅心情試下，食過咁多間韓燒店，呢間價錢都算適中，我同朋友order咗個黑毛豬和$108 A4和牛，黑毛豬燒完個肉汁香味唔錯，但口感一般，而和牛就真係要試試，肉質嫩滑，但價錢有點貴，再試埋海鮮湯，奶味重咗少，唔食得辣嘅，飲呢個湯會覺好辣，建議可設辣度俾客人選擇。除此之外，還有韓國部隊麵，簡單面條有彈性，簡單食材有泡菜，海苔就突出部隊麵嘅特色，但湯底少，麵條好快吸曬湯底。整體服務幾好，侍應都比較好客。總括而言，呢間店都值得大家一試。