尚鮮日式燒肉漁市場 (已易手) 新餐廳

同朋友一行四人揀左呢間日式燒肉，之前都聽過朋友推介呢間A5和牛好好食，今次終於要黎試下。坐低冇耐店員就送上和牛set 同埋海鮮拼盤。每一塊和牛都寫明唔同部位，等試過好味既話就落單，當然可以點其他既，不過我地都係留肚食和牛。呢度係用電子落單，好方便。落左單之後野食都黎得好快。和牛油花分佈都好靚，色香味俱全。海鮮拼盤入面既鮑魚同甲全羅都好好味，叫左白飯配鮮味既蟹膏簡直一流。以呢個價錢食到既質素真係超值。其他仲有刺身、壽司、炸物。 飲品任飲，仲有啤酒添。