榮記粉麵

營業中

休息中

支持完香港隊欖球賽，由下午睇到夜晚，都餓餓地要補給下。好多人一齊係大球場行出去，所以我地為左避開人群而開餐，就快步去到糖街既榮記，食下最愛既豬紅!差不多晚上9點，都係要排隊，一路排就諗定食咩好，因為有位一坐底就會有姐姐即刻問你食咩落單 我叫左四餸一麵，有豬紅豬腸春卷墨魚頭米粉加腩汁，想要豆漿但已經賣晒。朋友叫左3餸1麵，豬腸魚腐雲吞粗麵加腩汁。豬紅依舊入味，豬腸乾淨無異味，雲吞都起碼有隻蝦係入面。但朋友話粗麵就普通，始終係出面專食雲吞麵舖較好。