aga Restaurant & Bar

營業中

休息中

聽人介紹去呢間餐廳chill下傾下計，黎到見到已經擺咗萬聖節🎃嘅裝飾，佢哋有室外同埋室內位置，想靜靜地可以喺室內坐，雖然燈光比較昏暗，但勝在環境舒適，空間足夠私隱。錫紙焗鮮蕃茄海鮮扁意粉 $138海鮮鮮甜，蕃茄汁酸香，扁意粉吸收咗湯汁嘅精華，口感一流🍝🍅 意粉用錫紙包好，打開時香氣四溢，色澤鮮明。松露野菌意大利巴瑪臣芝士薄餅 $128松露香氣濃郁，野菌鮮美，巴瑪臣芝士融化得啱啱好，味道豐富，口感層次分明。🍕🍄 金黃香脆，芝士拉絲效果吸引，令人一見就想食。😍❤️椒鹽蛋白茶樹菇 $98茶樹菇鮮香，椒鹽味道恰到好處，火箭菜清脆可口，增添咗清新感。🍄 送酒一流🤩。Lime Say $78擁有青瓜🥒，青檸🍋‍🟩，蘋果🍎，荔枝，同埋梳打水，酸酸甜甜容易入口，賣相又靚，最啱打卡。Red Hair $78呢杯熱情如火既有火龍果肉，青蘋果🍏，檸檬汁🍋同茉莉花茶，入口茶香同果甜得到中和，清新自然。