影片
更多
2024-09-20
1959 瀏覽
啟德AIRSIDE開左之後都無去過，原來都幾多比較少見既餐廳，上星期同朋友去試咗主打韓式燒肉既「冬柏」，店內空間寬敞開揚光亮，坐得舒服。而且佢地採用特製抽風系統係爐既兩邊抽風，唔會擋到視線，呢點真係幾好。一坐底就送上冰凍麥茶。而7道前菜中有個係甜番薯蓉，呢個好特別，而其他醃菜都醃得好好，最愛泡菜，好開胃。另外燒爐上仲會有泡菜蒸蛋同芝士粟米，見隔離枱嗌先知可以無限refill，最終我地都忍唔住食左2轉。 一級五花肉五花肉肥瘦相間，油脂豐膄，肉嫩甘香之餘不油膩，煎至微微焦脆更香口。附一個唔刺鼻的芥末醬，有助提味解油膩。豬皮我地初初唔知同唔識燒，結果燒燶左一面，店員見狀過黎教我地，原來本身已經熟，每邊燒30秒就食得。滿滿膠質，好好味。和牛牛五花肉質鮮嫩，油脂豐富，牛肉味比較濃，適合慢烤，烤至微焦，別有一番風味。牛小排厚薄度岩岩好，肉香濃郁，富油香，再煎至外層焦香，中間軟腍，超滿足。泡菜煎餅記得趁熱食，煎得好香口，泡菜比得足夠，凍左會有D硬，呢個時候可以放上爐度燒一燒佢，依然好味。焦糖布甸布甸十分綿滑，甜度剛剛好，奶香十足。芝士蛋糕配雪糕蛋糕質感軟滑，芝士味勁濃，同様甜度剛好，建議食完布甸先食
一坐底就送上冰凍麥茶。而7道前菜中有個係甜番薯蓉，呢個好特別，而其他醃菜都醃得好好，最愛泡菜，好開胃。另外燒爐上仲會有泡菜蒸蛋同芝士粟米，見隔離枱嗌先知可以無限refill，最終我地都忍唔住食左2轉。
一級五花肉
五花肉肥瘦相間，油脂豐膄，肉嫩甘香之餘不油膩，煎至微微焦脆更香口。附一個唔刺鼻的芥末醬，有助提味解油膩。
豬皮
我地初初唔知同唔識燒，結果燒燶左一面，店員見狀過黎教我地，原來本身已經熟，每邊燒30秒就食得。滿滿膠質，好好味。
和牛牛五花
肉質鮮嫩，油脂豐富，牛肉味比較濃，適合慢烤，烤至微焦，別有一番風味。
牛小排
厚薄度岩岩好，肉香濃郁，富油香，再煎至外層焦香，中間軟腍，超滿足。
泡菜煎餅
記得趁熱食，煎得好香口，泡菜比得足夠，凍左會有D硬，呢個時候可以放上爐度燒一燒佢，依然好味。
焦糖布甸
布甸十分綿滑，甜度剛剛好，奶香十足。
芝士蛋糕配雪糕
蛋糕質感軟滑，芝士味勁濃，同様甜度剛好，建議食完布甸先食蛋糕。
柑橘梳打及荔枝梳打
燒肉和果味梳打飲品真係絕配，清爽消滯解油膩，重點唔會太甜，呢點好重要。
張貼
